U Biełarusi pierastali pradavać zimovaje dyzielnaje paliva «Arktyka». I zrabili heta śviadoma
Zimovaje dyzielnaje paliva «Arktyka», jakoje raniej možna było znajści na biełaruskich aŭtazapraŭkach, bolš na ich nie pradajecca. Zamiest jaho ŭ asartymiencie źjaviłasia novaje paliva pad nazvaj «DT-32», piša Av.by.
Hałoŭnaja pryčyna pieramieny — tempieratura filtracyi. «Arktyka» raźličanaja na vielmi nizkija tempieratury — da -38°S ci -44°S u zaležnaści ad kłasa. Ale ŭ biełaruskich umovach takaja marozaŭstojlivaść nie patrebnaja, bo rezka zimovyja tempieratury tut redkija.
«DT-32» maje tempieraturu filtracyi -32°S, što bolš adpaviadaje realnaj biełaruskaj zimie, i heta paliva stabilna pracuje ŭ aŭtamabilach z dyzielnym ruchavikom.
Pa słovach Sierhieja Kamornikava, namieśnika hienieralnaha dyrektara «Biełarusnafty», mienavita tamu dla prazrystaści i dakładnaści vykarystoŭvajecca mienavita heta abaznačeńnie — kab spažyviec viedaŭ sapraŭdnyja charaktarystyki paliva i nie byŭ uviedzieny ŭ zman.
Na hety momant «DT-32» jašče dastupna nie na ŭsich AZS. Kali raniej jaho možna było znajści na 220 stancyjach, to ciapier užo na 253. Płanujecca pašyrać prysutnaść hetaha paliva, asabliva ŭ rajonnych centrach i na hałoŭnych darohach. Adnak poŭnaha pierachodu na «zimovaje» paliva pakul nie płanujuć, bo popyt na standartnaje dyzielnaje paliva jašče zastajecca, a ŭ ciopłyja miesiacy «DT-32» amal nie patrebna.
Ciapier čytajuć
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club10
Kamientary
Na otoplenii ekonomiat, no prodajut kak za 85° v mahistrali, na ośvieŝienii ekonomiat, i tut riešili sekonomiť. Prodavaja, priekrasnuju salaru na bumahie, s tiempieraturoj filtracii -32°, no na bumahie, a riealno, problemy v -22°.
Dieła Ostapa Biendiera, v licie siemiejstva łukašienok, v Biełarusi, priobrieli kośmičieskij razmach, vsielenskij razmach....