U Rasii źniali rolik, jak Santa-Kłausa nad Kramlom na prośbu Dzieda Maroza źbivaje SPA. Videa reposnuŭ i Azaronak
Santa-Kłausa źbivajuć, bo rasijanam «nie treba ničoha zamiežnaha ŭ niebie».
Rasijskija i biełaruskija praŭładnyja kanały raspaŭsiudžvajuć novy sacyjalny rolik. Pa siužecie Santa-Kłaŭs razam z aleniami lacić nad Maskvoj, i jaho źbivaje rasijskaja SPA.
Santa havoryć pa-anhlijsku, pje «Koka-kołu», u jaho za śpinaj zamiest padarunkaŭ rakiety z emblemaj NATO. Kali jon pralataje nad Krasnaj płoščaj, u jaho traplaje rakieta SPA.
Paśla hetaha kamiera pieranosicca ŭ kamandny punkt, dzie pobač z rakietčykam siadzić Dzied Maroz. Vajenny daje spravazdaču, što meta źniščana.
«Pravilna. Nie treba nam ničoha zamiežnaha ŭ našym niebie. Z Novym hodam!» — kaža Dzied Maroz.
Videa źjaviłasia ŭ mnohich prakramloŭskich i Z-kanałach, reposnuŭ jaho i prapahandyst Ryhor Azaronak: u podpisy jon nazvaŭ Santu «akularystym piedafiłam z aleniami».
Santa-Kłaŭs tradycyjna atajasamlivajecca z vobrazam śviatoha Mikałaja Cudatvorca, adnaho z samych šanavanych śviatych u Ruskaj pravasłaŭnaj carkvie, da jakoj siabie adnosić i Azaronak. Pry hetym u Biełarusi sioleta čynoŭniki i ideołahi z Santam vajujuć.
Rolik pra toje, jak SPA źbivaje Santa-Kłaŭsa, źjaviŭsia praz dva dni paśla taho, jak rasijskaja rakieta padbiła azierbajdžanski pasažyrski samalot. Bort, jaki lacieŭ z Baku ŭ Hrozny, raźbiŭsia pablizu Aktau ŭ Kazachstanie ranicaj 25 śniežnia. U katastrofie zahinuli 38 čałaviek.
Azierbajdžanskija aficyjnyja asoby patrabujuć ad Rasii vybačeńniaŭ i kampiensacyi, adnak u Kramli nie pryznajuć, što samalot padbiła rasijskaja SPA.
Maksim Znak naviedaŭ śpiektakl «Zekamieron», pastaŭleny pa jahonaj knizie, napisanaj u SIZA4
Kamientary