U Minsku ź vialikaj źnižkaj vystaŭleny na prodaž pasažyrski ciepłachod «Novy Niaśviž», adpaviednaja abjava źjaviłasia na adnoj z aŭkcyjonnych placovak krainy.
U skład łota ŭvachodziać sam ciepłachod 1954 hoda vypusku dla pieravozki pasažyraŭ, a taksama dva pryčalnyja pantony 1967 i 1976 hadoŭ vypusku, piša «Virtualny Brest».
Sudna znachodzicca ŭ Minsku na Kamsamolskim voziery ŭ muziejna-parkavym kompleksie «Pieramoha».
Pracazdolnaść vuzłoŭ i ahrehataŭ nie praviarałasia. Tamu pry dyjahnostycy pradmieta łota mohuć być vyjaŭleny schavanyja defiekty.
Ciepłachod byŭ pabudavany na Babrujskim sudnaramontnym zavodzie, materyjał korpusa — stal. Daŭžynia karabla składaje 18,66 mietra, šyrynia — 4,48 mietra, hruzapadymalnaść — 21 tona, pasažyraŭmiaščalnaść — 35 čałaviek.
Da niadaŭniaha času sudna kursiravała ŭzdoŭž bierahoŭ raki Śvisłač u Minsku ad malaŭničaha parku Pieramohi da Łošycy.
Uletku hetaha hoda ciepłachod užo sprabavali pradać na tarhach za 195 tysiač rubloŭ, ale biezvynikova. Ciapier łot vystaŭleny na prodaž sa źnižkaj 70% — sudna moža nabyć luby žadajučy za 58,5 tysiačy rubloŭ.
Zajaŭki ad patencyjalnych pakupnikoŭ buduć prymać da 9 studzienia, sam aŭkcyjon adbudziecca 10 studzienia.
Ciapier čytajuć
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA40
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny44
Kamientary
VY ŽARTUJECIE?! Jak hetaje sudna projdzie z Kamsy da Łošycy?