Prezidenckaja pasada ŭ Livanie zastavałasia vakantnaj bolš za dva hady, ale 9 studzienia miascovym parłamientaryjam narešcie ŭdałosia abrać kiraŭnika dziaržavy. Im staŭ 61-hadovy hałoŭnakamandujučy miascovaj armijaj Žazef Aun, piša Euronews.
Raniej analityki nazyvali kandydaturu Žazefa Auna najbolš vierahodnaj, pakolki jana zadavalniaje amal usie palityčnyja siły Livana, uklučajučy šyicki ruch «Chiezbała». Akramia taho, klučavyja sajuźniki Livana, ZŠA i Saudaŭskaja Aravija, taksama ličyli Auna najlepšym kandydatam.
U pieršym tury Žazefu Aunu nie ŭdałosia nabrać nieabchodnyja dla pieramohi 86 hałasoŭ. Jon atrymaŭ padtrymku 71 člena parłamienta. Ale ŭ druhim tury za Auna prahałasavali ŭžo 99 deputataŭ.
Pasada prezidenta (tradycyjna jaje pavinien zajmać chryścijanin-maranit) zastavałasia vakantnaj u Livanie z 31 kastryčnika 2022 hoda. Tady zaviaršyŭsia termin paŭnamoctvaŭ 89-hadovaha Mišela Auna, jaki ŭznačalvaŭ krainu z 2016 hoda. Za dva apošnija hady było zroblena bolš za 10 sprob vyznačycca z kandydaturaj kiraŭnika dziaržavy.
Pierad novym prezidentam staić niaprostaja zadača — kiravać krainaj, asłablenaj šmathadovym ekanamičnym kryzisam i niadaŭniaj vajnoj Izraila z hrupoŭkaj «Chiezbała».
U svajoj prynahodnaj pramovie Aun zajaviŭ, što z momantu jaho abrańnia pačynajecca novaja era ŭ historyi krainy. Taksama jon dadaŭ, što «abaviazvajecca vykonvać pahadnieńnie ab spynieńni ahniu ź Izrailem».
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»37
Kamientary