U Biełarusi ŭstanavili płatu za dastaŭku piensii paštaljonami. Kolki daviadziecca płacić
Taryfy na dastaŭku piensijnych vypłat praz paštovyja adździaleńni vyznačanyja pastanovaj MARH.
Dakumient praduhledžvaje ŭstanaŭleńnie kamisij na vypłatu (dastaŭku) piensii hramadzianam, jakija vykazali žadańnie atrymlivać piensiju praz adździaleńni «Biełpošty» z apłataj pasłuhi za košt ułasnych srodkaŭ.
Tak, pry atrymańni naležnych srodkaŭ u apieracyjnaj kasie abjekta paštovaj suviazi kamisija składzie 1,8 biełaruskaha rubla.
U toj ža čas pry dastaŭcy piensii dadomu jaje atrymalnik pavinien budzie zapłacić 8,5 rubla.
Płatu buduć brać za kožnuju vypłatu (dastaŭku) sum piensii hramadzianam, jakija pražyvajuć u Minsku, haradach abłasnoha padparadkavańnia abo ŭ rajcentrach.
Z 1 lipienia 2025 hoda piensijaniery va ŭzroście da 70 hadoŭ, jakija pražyvajuć u haradach, mohuć atrymlivać piensii, tolki adkryŭšy ŭ bankach bazavy rachunak. Vyklučeńnie zroblena dla ludziej, starejšych za 70 hadoŭ, invalidaŭ I i II hrup i niekatorych inšych katehoryj asob.
Ciapier čytajuć
«Byŭ upeŭnieny, što ja niedatykalnaja asoba dla rasijan». Pieršaje intervju Jurasia Ziankoviča na svabodzie24
Kamientary