U Rasii z turmy adpuścili chłopca, jaki zabiŭ cełuju siamju ź dziciom-invalidam: jon pajechaŭ z kałonii na vajnu
Try hady tamu 17-hadovy padletak zarezaŭ mužčynu, žančynu i dzicia. Zabojstva jamu zakazała jahonaja 14-hadovaja kachanaja.
U Rasii chłopiec, jaki try hady tamu zabiŭ troch čałaviek, u tym liku dzicia-invalida, vyjšaŭ z kałonii i pajechaŭ na vajnu va Ukrainu, piša «AiF».
Rezanansnaje zabojstva adbyłosia ŭ studzieni 2022 hoda ŭ Jurjeŭcy Omskaj vobłaści. Adnojčy nočču 14-hadovaja dziaŭčynka i jaje 6-hadovy brat prybiehli da susiedziaŭ i raskazali, što nieviadomy zabiŭ ich siamju.
U domie, dzie žyli dzieci, siłaviki znajšli cieły 38-hadovaha mužčyny, jaho 35-hadovaj sužycielki i dziesiacihadovaj dački žančyny — dziciaci-invalida. Karcina była žudasnaj: zabitych žorstka zarezali, uvieś dom byŭ u kryvi.
Vyžyłyja dziaŭčynka i chłopčyk taksama byli rodnymi dziećmi zabitaj. Pry hetym, jak raskazvali susiedzi, z ajčymam u ich byli dobryja adnosiny. Dziaŭčynka raskazała palicejskim, što ŭ dom prabraŭsia nieviadomy smuhły mužčyna z baradoj. Pa apisańni skłali fotarobat, ale takoha čałavieka ŭ vioscy i vakolicach nichto nie bačyŭ.
Akazałasia, dziaŭčynka-padletak śpiecyjalna pasłała siłavikoŭ pa padmannym śledzie. Zabojstva maci i ajčyma spłanavała mienavita jana, a vykanaŭcam staŭ jaje 17-hadovy chłopiec. Zabić darosłych jany vyrašyli tamu, što tyja byli suprać ich adnosin.
Spačatku dziaŭčynka chacieła atrucić baćkoŭ, ale zatym spynilisia na inšym varyjancie. Zabojstva ŭziaŭ na siabie chłopiec, a siabroŭka pavinna była ŭpuścić jaho ŭ dom.
Padletak prabraŭsia ŭ chatu a druhoj hadziny nočy z zadniaha dvara, z saboj u jaho byŭ štyk-nož. Spačatku jon padyšoŭ da mužčyny, jaki spaŭ, i pačaŭ nanosić jamu ŭdary nažom. Ajčym dziaŭčyny pračnuŭsia i pasprabavaŭ adbicca, ale padletak akazaŭsia macniejšym.
Inšymi achviarami stała mama dziaŭčynki i jaje siastra-invalid. Zabiŭšy troch čałaviek, chłopiec padyšoŭ da svajoj dziaŭčyny, jakaja ŭvieś hety čas była na kuchni z maleńkim bratam, i skazaŭ biehčy da susiedziaŭ.
U sakaviku 2023 hoda zabojca atrymaŭ šeść hadoŭ i siem miesiacaŭ kałonii ahulnaha režymu, jahonuju dziaŭčynu adpravili ŭ vychavaŭčuju kałoniju na 6,5 hoda. Paźniej prysud źmiakčyli, prybraŭšy sa spravy prykmietu «hrupaj asob pavodle papiaredniaj zmovy».
Niadaŭna stała viadoma, što zabojca vyjšaŭ z kałonii: jon zaklučyŭ kantrakt z rasijskaj armijaj i pajechaŭ na vajnu va Ukrainu.
Dvoje žycharoŭ Novasibirska zhvałtavali i zabili studentku. Jany vyjšli na volu na 15 hadoŭ raniej — pajechali na vajnu
U Krasnadary mužčyna zarezaŭ susiedziaŭ i spaliŭ ich dom. Ale z zały suda jaho adrazu adpuścili na vajnu
Babrujčanie arhanizavali ŭ Rasii dźvie narkałabaratoryi, a ŭ sudzie paprasilisia na vajnu va Ukrainie
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć99
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć9
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2121
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes21
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary