Śpiavačka Jołka prybrała z chita zhadvańnie kijeŭskaha aeraporta Baryspal na vystupie ŭ Maskvie
Papularnaja ŭ Rasii ŭkrainskaja śpiavačka Jołka prybrała zhadvańnie kijeŭskaha aeraporta Baryspal ź pieśni «Pravans» padčas vystupu na rasijskim «Załatym hramafonie» ŭ Maskvie, piša The Insider.
Na kancercie ŭ Maskvie ŭ honar 30‑hodździa rasijskaj muzyčnaj premii śpiavačka Jołka (Lizavieta Ivancyŭ) vystupiła sa svaim chitom «Pravans», jaki prynios joj słavu ŭ 2011 hodzie.
Słovy pieśni byli źmienieny. Zamiest radka «zavtra v 7:22 ja budu v Borispole sidieť v samolotie i dumať o piłotie» śviavačka śpieła «zavtra v 7:22 ja budu letieť k tiebie, sidieť v samolotie i dumať o piłotie».
Lizavieta Ivancyŭ naradziłasia va Ukrainie, u horadzie Užharad. Vajnu va Ukrainie ŭsie hetyja hady nie kamientavała. Upieršyniu jana vykazałasia 27 kastryčnika hetaha hoda. Jana zajaviła, što žadaje ŭsim «mudraści i miru»: «Niachaj, kali łaska, u tych, chto hetym usim… kiruje, chopić mudraści zrabić tak, kab heta było nie baluča. Tamu što ja chvalujusia pra heta štodnia, u mianie balić serca. U mianie tam matula, u mianie tam stolki siabroŭ. U kožnaha z vas va Ukrainie vialikaja kolkaść siabroŭ. I ja nie viedaju čałavieka, jaki b nie chvalavaŭsia z hetaj nahody».
Kamientary
Jeśli nie znaješ, skolko jołkie let - śpili i posčitaj hodovyje kolca.