Biełaruś zaniała druhoje miesca siarod krain SND pa kolkaści kibieratak, sastupiŭšy tolki Rasii. Takija danyja pakazała kampanija Positive Technologies na kanfierencyi pa infarmacyjnaj biaśpiecy Positive SOCcon 2.5 u Minsku, piša sajt kv.by.
Pavodle daśledavańnia, u druhoj pałovie 2024 hoda i na praciahu pieršych troch kvartałaŭ 2025‑ha na biełaruskija arhanizacyi prypała kala 9% usich paśpiachovych kibieratak u SND. Biezumoŭny lidar tut Rasija, na jakuju prypali 72%, na Kazachstan — 7%.
Ekśpierty adznačajuć, što rost atak moža być źviazany z pavyšanaj cikavaściu złamyśnikaŭ da arhanizacyj, jakija ŭdzielničajuć u mižnarodnym supracoŭnictvie z Rasijaj. Biełaruś jak najbližejšaja jaje sajuźnica moža być abjektam uvahi zamiežnych kibieršpijonskich struktur. Ich cikaviać dakumienty, pierapiska, infarmacyja pra łahistyku, sankcyi i ŭnutranuju situacyju ŭ krainie.
Vialikaja častka incydentaŭ (24%) źviazanaja z chaktyvistami, jakija zvyčajna šyfrujuć abo źniščajuć danyja, a taksama ładziać defiejs-ataki — źmianiajuć źmiest sajtaŭ.
Biełaruś taksama ŭ poli zroku kibiermachlaroŭ, jakija imknucca atrymać finansavuju vyhadu. Asabliva časta atakujuć bankaŭskuju śfieru, łahistyku, telekamunikacyi i dziaržaŭnyja struktury. Najbolš raspaŭsiudžanyja sposaby — fišynh, raspaŭsiudžvańnie škodnych prahram i šantaž z vykarystańniem prahram-šyfravalnikaŭ.
Pavodle daśledavańnia, kolkaść atak praz ekspłuatacyju ŭraźlivaściaŭ u sistemach vyrasła z 34% da 48%, što źviazana z vykarystańniem sastarełych IT-sistem i niedachopam śpiecyjalistaŭ pa kibierabaronie.
U 67% vypadkaŭ kibierataki ŭ Biełarusi pravodziacca praź mietady sacyjalnaj inžynieryi, a dola škodnasnych prahram źmienšyłasia z 77% da 62%.
U vyniku 62% paśpiachovych atak pryvodziać da ŭciečki kanfidencyjnaj infarmacyi. Takija danyja karystajucca popytam na cieniavych internet-placoŭkach: 14% abjaŭ tam pryśviečanyja pošuku kankretnych źviestak, jašče 14% — prapanovam ich kupić. Košt samych darahich danych dasiahaje 3000 dalaraŭ.
Najbolš časta ŭ Biełarusi atakujuć dziaržaŭnyja ŭstanovy (18% vypadkaŭ), dalej iduć pramysłovaść (14%) i finansavy siektar (11%). Banki zastajucca adnoj z hałoŭnych metaŭ złamyśnikaŭ.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB28
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary
No chorošo, čto ona krajnie lehko obchoditsia i AV prodołžajut rabotať v Biełarusi.
U prahramie kanfierencyi rekłamnyja vystupy supracoŭnikaŭ kampanii pra svaje pradukty, a pačynajecca jana vitalnym słovam pradstaŭnika AAC pry "prezidencie" RB.
Rasiejskaja - ŭ Minsku. I AAC. Hetaha dastatkova, kab pakazać absurd razumieńnia biaśpieki?