ZŠA atakavali vostraŭ Chark u Piersidskim zalivie. Praź jaho prachodzić 90% iranskaha ekspartu nafty
Centralnaje kamandavańnie ZŠA praviało adnu z samych mahutnych bambardzirovak u historyi Blizkaha Uschodu i całkam źniščyła ŭsie vajskovyja abjekty na iranskim vostravie Chark u Piersidskim zalivie, paviedamiŭ Donald Tramp.
«Naša zbroja — samaja mahutnaja i daskanałaja z usich uzbrajeńniaŭ, što jość u śviecie, ale ź mierkavańniaŭ prystojnaści ja vyrašyŭ nie źniščać naftavuju infrastrukturu na vostravie. Adnak kali Iran abo chto-niebudź jašče pasprabuje pieraškodzić svabodnamu i biaśpiečnamu prachodu sudnaŭ praz Armuzski praliŭ, ja nieadkładna pierahledžu hetaje rašeńnie», — napisaŭ Tramp u sacyjalnaj sietcy Truth Social.
Amierykanski lidar taksama apublikavaŭ chvilinnaje videa z kadrami ŭdaraŭ pa vostravie Chark.
Cellu ŭdaraŭ pa vostravie Chark byli składy, dzie raźmiaščalisia zapasy iranskich rakiet i marskich min.
Vysokapastaŭleny čynoŭnik Ministerstva nafty Irana acharaktaryzavaŭ udary pa vostravie Chark jak «maštabnyja i razburalnyja».
Na vostravie Chark znachodzicca najbujniejšy naftavy terminał isłamskaj respubliki. Praź jaho prachodzić bolš za 90% iranskaha ekspartu nafty.
Na praciahu dvuch tydniaŭ vajny vostraŭ Chark zastavaŭsia niekranutym. Analityki zajaŭlali, što lubaja sproba ataki abo zachopu vostrava Chark moža spravakavać ustojlivy rost i biez taho vysokich cen na naftu.
Ciapier čytajuć
Aryštavany sienatar Karpicki, hałoŭny doktar Bresckaj abłasnoj balnicy9
Kamientary
Zamiest chutkaj pieramohi Iran spačatku treba było paddušyć, kab pačalisia pieraboi ź bienzinam, kurami i łavašom.