Śpiavačka i kampazitar Palina napisała muzyku dla pakazu na Tydni vysokaj mody ŭ Paryžy
Palina (Palina Respublika) napisała muzyku dla pakazu kalekcyi livanskaha madeljera Žorža Chabiejki.
«Mara! Ja napisała muzyku dla pakazu modnaha doma Žorža Chabiejki i, možna skazać, pabyvała na Tydni vysokaj mody ŭ Paryžy (nie ciełam, a spravaj). Heta vielmi pryhožy pakaz. Jon pryśviečany maci Žorža, jakoj nie stała ŭ minułym hodzie. Dla mianie heta historyja pra dušu, suviaź, kachańnie i śmierć jak cud i padarožža», — napisała jana ŭ svaim instahramie.
Georges Hobeika — heta livanski Dom vysokaj mody. Zasnavany ŭ 1995 hodzie, brend atrymaŭ mižnarodnaje pryznańnie i ŭžo bolš za dziesiacihodździe pradstaŭlaje svaje kalekcyi na Tydni mody ŭ Paryžy. Brend uklučaje čatyry asnoŭnyja linii i pracuje sa svajho šouruma na Rue Royale u Paryžy i atelje — hałoŭnaha ofisa ŭ Biejrucie.
Kamientary