Vinavaty, chutčej za ŭsio, piłot vajennaha viertalota.
Vydańnie The New York Times spasyłajučysia na infarmacyju, atrymanuju ad čatyroch asob, znajomych ź situacyjaj, piša, što vajenny viertalot Army Black Hawk, jaki ŭ sieradu ŭviečary sutyknuŭsia z rehijanalnym rejsam American Airlines u aeraporcie imia Ronalda Rejhana, mahčyma, znachodziŭsia pa-za ŭzhodnienym maršrutam i lacieŭ vyšej za dazvoleny ŭzrovień.
Pavodle ich, viertalot Army Black Hawk pavinien byŭ znachodzicca ŭ inšym miescy i lacieć značna nižej, pierasiakajučy ažyŭlenuju pavietranuju prastoru aeraporta imia Rejhana.
Pierad tym jak uvajści ŭ zahružanuju zonu kamiercyjnych rejsaŭ, viertalot musiŭ atrymać dazvoł avijadyśpietčara. U dadzienym vypadku piłot zapytaŭ dazvoł na vykarystańnie śpiecyjalnaha zahadzia vyznačanaha maršrutu, jaki praduhledžvaŭ maksimalnuju vyšyniu palotu 60 mietraŭ i prachodziŭ uzdoŭž uschodniaha bieraha raki Patamak. Heta dazvoliła b viertalotu paźbiehnuć sutyknieńnia z samalotam American Airlines.
Hety maršrut, viadomy jak «Maršrut 4» u aeraporcie imia Rejhana, dakładna paznačany i dobra znajomy jak dyśpietčaru, tak i piłotu viertalota. Piłot paćvierdziŭ, što bačyć samalot, i dyśpietčar zahadaŭ jamu trymacca vyznačanaha kursu i prajści zzadu łajniera.
Adnak, pavodle krynic, piłot viertalota nie vytrymaŭ maršrut. Zamiest taho kab lacieć nižej za 60 mietraŭ, jon uźniaŭsia vyšej za 90 mietraŭ i znachodziŭsia jak minimum za 800 mietraŭ ad uzhodnienaha šlachu, kali zdaryłasia sutyknieńnie.
Jak piša NYT, vysokapastaŭleny armiejski čynoŭnik zaklikaŭ ustrymacca ad vysnoŭ, pakul nie buduć praanalizavanyja danyja z čornaj skryni viertalota i inšyja dokazy.
Pa jaho słovach, piłoty Black Hawk užo latali hetym maršrutam i dobra viedali abmiežavańni pa vyšyni i strohija praviły palotu ŭ pavietranaj prastory kala aeraporta.
Ciapier čytajuć
Na svoj dzień naradžeńnia Zialenski z Naŭrockim, Naŭsiedam i Cichanoŭskaj u Vilni ŭšanuje pamiać Kastusia Kalinoŭskaha5
Kamientary