Niamiecki Bundestah adchiliŭ zakonaprajekt ab pastrožańni mihracyjnaha zakanadaŭstva
Parłamient Hiermanii bolšaściu hałasoŭ adchiliŭ zakonaprajekt ab uzmacnieńni strohaści mihracyjnaj palityki ŭ krainie, piša Deutsche Welle.
Suprać zakonaprajekta prahałasavali 349 parłamientaryjaŭ, 338 — padtrymali.
Zakonaprajekt byŭ inicyjavany lidaram partyi Chryścijanska-demakratyčny sajuz (CHDS), kandydatam u fiederalnyja kanclery Hiermanii Frydrycham Miercam. Mierc vystupiŭ ź inicyjatyvaj uzmacnieńnia strohaści mihracyjnaj palityki paśla nažavoj ataki ŭ bavarskim Ašafienburhu, achviaraj jakoha stali dva čałavieki.
Vyniesienaja na hałasavańnie inicyjatyva praduhledžvała, što fiederalnaja palicyja zmoža vysyłać inšaziemcaŭ, jakich ułady Hiermanii abaviazali pakinuć krainu. Taksama ŭ płanach była admiena miechanizmu ŭźjadnańnia siemjaŭ z asobami, jakija majuć status subsidyjarnaj abarony.
Akramia deputataŭ apazicyjnaha błoka CHDS/CHSS prajekt padtrymali členy Svabodnaj demakratyčnaj partyi (SvDP) i krajnie pravaj partyi «Alternatyva dla Hiermanii». U toj ža čas sacyjał-demakraty i «Sajuz-90»/«Zialonyja» nie padtrymali padobnyja abmiežavańni, pakolki jany, na ich dumku, faktyčna admianiajuć prava na prytułak, harantavanaje asnoŭnym zakonam Hiermanii.
Napiaredadni Bundestah padtrymaŭ prajekt rezalucyi błoka CHDS/CHSS, jaki, u pryvatnaści, uklučaŭ uviadzieńnie pastajannaha pamiežnaha kantrolu, mahčymaść admovy prośbitam prytułku prosta na miažy i zatrymańnie inšaziemcaŭ, jakim zahadana pakinuć krainu. Ale hetaja rezalucyja nie źjaŭlajecca abaviazkovaj da vykanańnia.
Dziadok patłumačyŭ, čamu vyzvalili mienavita tych palitviaźniaŭ, kaho vyzvalili31
Kamientary
Objaśnitie mnie počiemu policija nie možiet vysyłať jeśli vłasti obiazali pokinuť stranu?