Tramp śćviardžaje, što ZŠA vydzielili na Ukrainu značna bolš hrošaj, čym Jeŭropa. Ličby kažuć pra advarotnaje
Vajennaja dapamoha dla Ukrainy ad ZŠA i ad jeŭrapiejskich krain amal raŭnaznačnaja, a ŭ finansavym i humanitarnym płanie Jeŭropa idzie napieradzie.
Sprečnaja zajava Trampa była apublikavanaja 19 lutaha. U svaim paście na Ch prezident ZŠA adznačyŭ, što jaho kraina dla Ukrainy «vydatkavała na 200 miljardaŭ dołaraŭ bolš, čym Jeŭropa».
Ale heta nie tak, i dakazvajecca ličbami.
— Donald J. Trump (@realDonaldTrump) February 19, 2025
14 lutaha Kilski instytut suśvietnaj ekanomicy (Hiermanija) apublikavaŭ novuju analityku pa hrošach, jakija atrymała Ukraina za try hady: z 22 studzienia 2022 hoda pa 31 śniežnia 2024 hoda.
Pa danych instytuta, jeŭrapiejskija donary stali asnoŭnaj krynicaj dapamohi Ukrainie z 2022 hoda — asabliva ŭ finansavym i humanitarnym treku.
Što tyčycca vajennaj dapamohi, to padtrymka Jeŭropy ŭ pamiery 62 miljardaŭ jeŭra znachodzicca pryblizna na tym ža ŭzroŭni, što i padtrymka Złučanych Štataŭ, jakija vydzielili 64 miljardy jeŭra.
Pry hetym Jeŭropa daŭno pierasiahnuła ZŠA ŭ finansavaj i humanitarnaj dapamozie ŭ asihnavańni (metavym nakiravańni) — 70 miljardaŭ jeŭra suprać amierykanskich 50 miljardaŭ.
Ahulny abjem zamiežnaj padtrymki dla Ukrainy ad usich krain-donaraŭ — 267 miljardaŭ jeŭra. Što značyć pryblizna pa 80 miljardaŭ jeŭra ŭ hod.
Ale kali ličyć hetyja hrošy ŭ pracentach ad VUP (vałavoha ŭnutranaha praduktu) atrymajecca, što tolki krainy Skandynavii i Uschodniaj Jeŭropy prykładajuć značnyja namahańni dla padtrymki Ukrainy.
Bujnyja donary nakštałt Hiermanii, ZŠA ci Vialikabrytanii vyłučajuć mienš za 0,2% VUP u hod. Francyja, Ispanija ci Italija robiać jašče mienš, vydatkoŭvajučy kala 0,1% VUP u hod.
Pa mierkavańni ekśpiertaŭ Kilskaha instytuta, heta bolš padobna da «chobi», čym da realnych finansavych namahańniaŭ. Sumy takoj dapamohi možna paraŭnać z uradavymi prajektami subsidziravańnia słužbovych aŭtamabilaŭ.
Bolš za toje, dapamoha ad ZŠA pieryjadyčna stahniravała.
Jeŭrapiejskaja dapamoha niaŭchilna rasła, a abjom nievajennaj dapamohi ZŠA nie pavialičvaŭsia na praciahu 9 miesiacaŭ i adnaviŭsia tolki ŭ kancy 2024 hoda.
Lidaram dapamohi siarod jeŭrapiejskich krain stali: Hiermanija, Vialikabrytanija, Danija, Niderłandy, Šviecyja, Polšča i Francyja.
Niekatoryja z krain, jak Danija, u jakaści vajennaj dapamohi pačali zakuplać zbroju naŭprost va ŭkrainskich vytvorcaŭ. Ekśpierty ličać, što takaja «dackaja madel» mahła b dapamahčy pastaŭlać zbroju tańniej i chutčej.
U lutym 2024 hoda Kilski instytut papiaredžvaŭ, što dla taho, kab zamiaścić amierykanskuju dapamohu, Jeŭropa pavinna pavialičyć svaje vydatki na Ukrainu ŭ dva razy.
19 lutaha 2025 hoda Makron abviaściŭ, što Jeŭropa hatova pavialičyć padtrymku Ukrainy i ŭziać na siabie adkaznaść za biaśpieku ŭ rehijonie, ale pra kankretnyja rašeńni nie paviedamlałasia.
Makron: Jeŭropa hatovaja pavialičyć vydatki na abaronu i ŭziać na siabie adkaznaść za biaśpieku
«Spadar prezident, nie Ukraina pačała hetuju vajnu». Zajavy Trampa ab Ukrainie i jaho kanflikt ź Zialenskim šakavali mnohich respublikancaŭ
Tramp zajaviŭ pra zryŭ pahadnieńnia z Ukrainaj pa redkaziamielnych mietałach
Zialenski adkazaŭ Trampu, kolki hrošaj Ukraina vydatkavała na vajnu i kolki ź ich było amierykanskich
Ciapier čytajuć
Biełaruska narakaje, što siem hadoŭ nie moža znajści pastajannuju pracu. A ŭ emihracyi stała jašče składaniej8
Kamientary