Biełaruskuju 20-rublovuju manietu pradajuć na aŭkcyjonie za 15 tysiač rubloŭ
Na tarhi vystaŭlena manieta, jakaja była vypuščana ŭ 2012 hodzie.
Manieta naminałam u 20 rubloŭ pad nazvaj «Minsk-Arena» była vypuščana ŭ sieryi «Sport», jana kalekcyjnaja. Adčakanili manietu ŭ Varšavie, a emitent — Nacbank Biełarusi.
Manieta vykanana sa srebra, važyć 33.63 hrama, jaje dyjamietr składaje 39 milimietraŭ. Asablivaść maniety ŭ tym, što ŭ 2020-m hodzie jana padvierhłasia dapracoŭcy: manietu pakryli redkim mietałam, jaki nazyvajecca tantał, piša Blizko.by.
Pry standartnych umovach tantał — heta bliskučy pierachodny mietał srebra-biełaha koleru z błakitnym adcieńniem z-za ŭtvareńnia ščylnaj aksidavaj plonki. Heta pieršaja biełaruskaja manieta, pakrytaja tantałam.
Tyraž maniety «Minsk-Arena» ŭsiaho 99 štuk, što taksama dadaje koštu. Łot na tarhi vystaviła TAA «Biełnumizmatyka». Startovaja cana — 15 000 rubloŭ. Aŭkcyjon skončycca 21 sakavika.
Kamientary