Dziaržaŭnaja sietka aptek «Farmacyja» prapanoŭvaje ŭsim, kamu bolš za 30 hadoŭ, vykinuć Apple Watch
Alternatyvu prapanoŭvajuć niečakanuju.
U instahramie sietki dziaržaŭnych aptek «Farmacyja» źjaviłasia niebanalnaja rekłama. U videa pravizarka źviartajecca da ŭsich, kamu bolš za 30 hadoŭ, i zaklikaje chucieńka vykinuć Apple Watch i nabyć «narmalny hadzińnik» — i demanstruje tanomietr na ruce.
— Vam Apple Watch pakaža sistaličny cisk? A dyjastaličny? Jak vy budziecie viedać, kali prymać leki ad cisku? Pra što my havorym?
Praŭda, u podpisy da videa ŭdakładniajecca, što paśla 40 hadoŭ lepš vykarystoŭvać užo plečavyja tanomietry.
Rolik zavirusiŭsia i nabraŭ užo 282 tysiačy prahladaŭ i bolš za 7 tysiač łajkaŭ u instahramie. Niechta z kamientataraŭ pasprabavaŭ spračacca: «Kali vy prymajecie leki ad cisku — heta ŭžo drennyja naviny». Ale jamu adkazali: «Na žal, chvaroby maładziejuć i lepš na pačatkovych etapach znajści pryčynu, čym potym lačyć nastupstvy».
Adna z kamientatarak pažartavała, što ŭ jaje niadaŭna skrali Apple Watch — ale mabyć da lepšaha, bo narešcie źjaviłasia nahoda nabyć vartuju reč. Jašče adna napisała, što jaje 80-hadovy dziadula za košt taho, što sočyć za charčavańniem, dobra ekanomić na lekach i kupiŭ sabie novy ajfon.
U kamientaryjach źjaviłasia i doktarka, jakaja dadała, što prapanavała b i piarścionak Apple zamianić na pulsaksimietr.
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»24
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary