Кантроль над ключавымі партамі вакол Панамскага канала атрымаюць амерыканцы
На фоне ціску з боку прэзідэнта ЗША Дональда Трампа ганконгскі холдынг Hutchison заявіў, што прыняў рашэнне перадаць кантроль над двума асноўнымі партамі ў раёне Панамскага канала амерыканскаму кансорцыуму, піша Бі-бі-сі.
Кампанія CK Hutchison Holdings заявіла, што прадасць 90-працэнтную долю ў Panama Ports Company, якая кіруе партамі «Бальбоа» і «Крыстабаль» па абодва бакі канала, кансорцыуму на чале з амерыканскай інвестыцыйнай кампаніяй BlackRock.
У адпаведнасці з умовамі ўгоды, сума якой перавышае 14 мільярдаў даляраў, амерыканцы таксама атрымаюць кантроль над 80% актываў даччыных кампаній Hutchison, якія кіруюць 43 партамі і інфраструктурай у 23 краінах, у тым ліку ў Брытаніі, Германіі, на Блізкім Усходзе і ў Паўднёва-Усходняй Азіі.
На думку аналітыкаў, рашэнне перадаць кантроль над асноўнымі партамі магло быць прынята пад ціскам новай амерыканскай адміністрацыі. У першыя дні свайго прэзідэнцтва Дональд Трамп бяздоказна заяўляў, што канал кантралюе Кітай, і пагражаў вярнуць яго пад кантроль ЗША.
Трамп нават не выключыў магчымасці сілавога захопу, што выклікала гнеўную рэакцыю ўладаў Панамы і мясцовых жыхароў, якія выйшлі на акцыі пратэсту.
У супольным прэс-рэлізе прадаўцоў і пакупнікоў гаворыцца, што ўгода не звязаная з палітыкай.
«Я хацеў бы падкрэсліць, што здзелка носіць выключна камерцыйны характар і зусім не звязаная з нядаўнімі палітычнымі навінамі, якія тычацца панамскіх партоў», — заявіў адзін з кіраўнікоў Hutchison Фрэнк Сікст.
Урад Панамы заявіў, што не мае ніякага дачынення да ўгоды.
«Гэта глабальная здзелка паміж прыватнымі кампаніямі, якія кіруюцца ўзаемнымі інтарэсамі», — гаворыцца ў заяве панамскіх уладаў, якое цытуе AFP.
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі6
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары
Зразумела, што пэўную колькасць маёмасці падобным чынам адціснуць атрымаецца, але больш цікава, што будзе далей. Па сутнасці, гэта справакуе сыход з ЗША інвестыцый замежных кампаній, бо моцна скараціцца колькасць жадаючых мірыцца з нечаканай рызыкай - трыманнем у ЗША інструменту ціску на сябе.