U Drazdach zdajecca «łakšery» katedž za $1800 u miesiac. Ale tam absalutna hołyja ścieny
Try pavierchi, schilny dach, prastornyja pakoi, ale jość adna asablivaść.
Katedž, pra jaki idzie havorka, znachodzicca ŭ Drazdach. «Dom raźmieščany ŭ samym prestyžnym, łakšery rajonie horada Minska», — adznačana ŭ abjavie.
Zvyčajnyja damy tut zvyčajna nie budujucca, i hety — taksama davoli niaprosty: try pavierchi, schilny dach, prastornyja pakoi, piša Onliner.by.
Ale jość adna asablivaść: dom całkam hatovy zvonku, ale absalutna pusty ŭnutry.
Praviedzieny niejkija kamunikacyi, ale ŭ cełym heta prosta hołyja bietonnyja ścieny.
Ahulnaja płošča katedža — 300 kv. m.
U abjavie skazana naŭprost: u dadzieny momant dom patrabuje čystavoha azdableńnia.
Takim čynam, budučym kvatarantam daviadziecca nie tolki płacić $1800 u miesiac za arendu, ale i rabić ramont za ŭłasny košt.
— Azdablenna na mierkavańnie arandatara, ale ŭłaśnik hatovy dać arendnyja kanikuły, — adznačaje ahient. — Usie ŭmovy abmiarkoŭvajucca indyvidualna. Hatovyja razhledzieć usie varyjanty.
Zrazumieła, što kali arandatar voźmiecca za ramont, heta zojmie niamała času. Tamu arenda prapanujecca vyklučna doŭhaterminovaja.
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak44
Kamientary