Paštovuju stancyju XIX stahodździa pradajuć u Viciebskaj vobłaści
U Viciebskaj vobłaści na aŭkcyjon znoŭ vystavili histaryčny budynak — paštovuju stancyju XIX stahodździa. Paru hadoŭ tamu stancyjny kompleks ź flihielem dla furmanaŭ u vioscy Pahrabionka Sieńnienskaha rajona sprabavali pradać za 38 tysiač rubloŭ.
Ciapier ža pabudovu hatovy pieradać novamu ŭładalniku ŭsiaho za 126 rubloŭ. Tarhi projduć u studzieni na elektronnaj placoŭcy «BUTB-Majomaść», piša Realt.by.
Paŭtara stahodździa tamu siońniašniaja daroha pad numaram R87 na ŭschodniaj uskrainie Sieńnienskaha rajona była žvavaj «mahistrallu», a dakładniej — paštovym traktam, jaki vioŭ z Kijeva ŭ Sankt-Pieciarburh. Uzdoŭž usioj trasy da našych dzion zachavalisia dziasiatki paštovych stancyjnych kompleksaŭ, dzie prajezdžyja ekipažy mahli adpačyć, źmianić paštovych koniej, ažyćciavić abmien poštaj pamiž paštaljonami.
Adna z takich stancyj, što zachavalisia na Viciebščynie, — paštovaja stancyja kala vioski Pahrabionka.
Asablivaści hetaha kamiennaha budynka płoščaj 115 kvadratnych mietraŭ — vyciahnutyja vokny ŭ hatyčnym styli i kavany navies nad uvachodam. U savieckija hady ŭ budynku raźmiaščałasia krama.
Pavodle ŭmoŭ aŭkcyjonu paśla pakupki novy ŭłaśnik moža vykarystoŭvać budynak dla raźmiaščeńnia abjektaŭ administracyjnaha i sacyjalna-kulturnaha pryznačeńnia. Varta adznačyć, što stancyjny kompleks ź flihielem dla voźnikaŭ z haspadarčymi pabudovami (pad rujnavańnie) maje status histaryčna-kulturnaj kaštoŭnaści 2‑j katehoryi.
Tarhi pa prodažy paštovaj stancyi ŭ Sieńnienskim rajonie adbuducca 23 studzienia na elektronnaj placoŭcy «BUTB-Majomaść». Pačatkovy košt abjekta — 126 rubloŭ.
Kamientary