«Biełaruśkalij» bankrutuje dačku, jakuju nichto nie zachacieŭ kupić
«Biełaruśkalij» inicyjavaŭ bankructva kampanii «Jeŭrapiejskaje ahrarnaje ahienctva» (JEAA), bo nie zdoleŭ pradać svaju kantrolnuju dolu ŭ hetym biznesie. Pradpryjemstva vałodaje 55 % akcyj JEAA, ale pakupnikoŭ na ich tak i nie znajšłosia, piša vydańnie «Biełorusy i rynok».
Minski sud, razhledzieŭšy zajavu, pryznaŭ, što jość dastatkovyja padstavy dla pačatku spravy ab bankructvie, i ŭvioŭ u dačynieńni da kampanii achoŭny pieryjad.
Meta «Biełaruśkalija» — damahčysia viartańnia bolš jak 220 tysiač rubloŭ zapazyčanaści, a taksama kampiensacyi kala 2,4 miljona rubloŭ strataŭ.
JEAA było stvorana jak sumiesnaje pradpryjemstva «Biełaruśkalij-ahra» i estonskaj kampanii European Agricultural Agency, jakuju kantraluje biełaruski biznesmien Alaksandr Bahačenka. Kampanija zajmałasia prodažam sielskahaspadarčaj techniki ŭ Biełarusi i inšych krainach postsavieckaj prastory. Sam Bahačenka taksama źjaŭlajecca ŭładalnikam ahrarnaha miedyjapartała AgroNews.
U 2024 hodzie JEAA nie vykanała abaviazacielstvy pa svaich ablihacyjach, a paźniej Ministerstva finansaŭ Biełarusi prypyniła ich abaračeńnie. Naprykancy taho ž hoda «Biełaruśkalij-ahra» sprabavaŭ pradać svaju dolu ŭ kampanii, ale biezvynikova.
Sudovy razhlad spravy ab bankructvie zapłanavany na siaredzinu studzienia 2026 hoda. Tym časam Alaksandr Bahačenka aktyŭna raźvivaje biznes u Polščy i niadaŭna stvaryŭ tam novuju kampaniju.
Ciapier čytajuć
«Jana była spartyŭnaj dziaŭčynaj». Što viadoma pra zahinułuju pasažyrku deltapłana, jaki ŭpaŭ pad Minskam1
Kamientary