Łukašenka znoŭ zajaviŭ, što pasiniełymi palcami za ŭładu nie trymajecca, ale i zaŭtra nie sydzie
Alaksandr Łukašenka pry pryznačeńni novych kiraŭnikoŭ Hienieralnaj prakuratury i Śledčaha kamiteta pastaviŭ zadaču i nadalej nie dapuskać nijakich sprob revalucyjnaj baraćby suprać jaho režymu.
«I adnaho, i druhoha datyčycca: nijakich namieraŭ u płanie revalucyjnaj baraćby suprać isnujučaha dziaržaŭnaha ładu. Dla hetaha jość vybary. Treba iści na vybary i vyrašać hetyja prablemy. Voś tut u Biełarusi jość usio. Tym bolš što ciapierašni prezident, jak ja časta havaru, nie trymajecca pasiniełymi palcami za ŭładu», — znoŭ zajaviŭ jon.
«Ja — čałaviek adychodziačy. Chacia mnohija za heta ŭchapilisia: «Ach, sychodzić!..» Chto pieražyvaje, chto radujecca. Heta nie značyć, što zaŭtra my ŭsio heta kiniem, ja ŭ tym liku, i sydziem. Ale zrazumieła, što ja ŭžo nie toj čałaviek, jaki pieršy ci druhi hod pracuje prezidentam. Heta značyć, što ja budu śviata vykonvać pravy i intaresy našych ludziej. Vy ŭ hetym płanie pavinny pracavać», — skazaŭ Łukašenka, jaki 31 hod trymaje ŭładu.
Upieršyniu pra pasiniełyja palcy, jakimi jon nie trymajecca za ŭładu, Łukašenka skazaŭ u 2019 hodzie: «Ja svaju kandydaturu prapanuju na hetych vybarach. Ale kali budu adčuvać, što vy kateharyčna suprać, viadoma, budu pieražyvać, ale tym nie mienš vy pavinny maju kandydaturu adrynuć na vybarach. I ja paabiacaŭ, što sinimi palcami za kresła trymacca nie budu».
Niahledziačy na prajhranyja, pa danych niezaležnych naziralnikaŭ, vybary i masavyja pratesty suprać falsifikacyj i hvałtu, Łukašenka z dapamohaju siłavkoŭ, represij i Rasii ŭzurpiravaŭ uładu.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1313
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata13
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary