Muziej volnaj Biełarusi apublikavaŭ videa, jakoje zapisaŭ Mikita Miełkazioraŭ, pieradajučy svaje kroksy ŭ ekspazicyju
Addajučy žoŭtyja kroksy, Mikita Miełkazioraŭ zapisaŭ (jak taho patrabujuć praviły) videa dla muzieja, u jakim raskazaŭ historyju ekspanata. Hety zapis, zrobleny letam 2025 hoda, muziej apublikavaŭ upieršyniu.
Na videa Mikita raskazaŭ, što nabyŭ žoŭtyja kroksy ŭ Minsku ŭ pačatku pandemii, ź imi pierajechaŭ u emihracyju, i ź imi taksama raspačaŭsia prajekt «Žyćcio-malina».
«Ja nie vielmi fanaberysty, ale heta ŭ jakaści žartu, bo maja žonka abiacała mianie zabić, kali ja nie vyniesu z domu hetyja kroksy. Ja napisaŭ siudy i skazaŭ, što, u pryncypie, ich było vielmi šmat u «Malinie».
«Malina» — heta značny prajekt. Ja razumieju, što heta vielmi niaścipła hučyć, ale heta fakt. Vielmi važny prajekt dla biełaruskaj demakratyčnaj prastory. Tamu voś mahu addać hetyja kroksy. Nu i taksama, usie piać hadoŭ, što my zdymajem «Malinu», jany byli ŭ kadry. I Nasta Roŭda skazała kaliści padčas intervju, maŭlaŭ, heta lehiendarnaja para abutku. Tamu ja spadziajusia, što heta budzie niejki bolš-mienš admietny ekspanat u hetym muziei. Nu i zrešty, hety muziej pierabiarecca ŭ Biełaruś», — skazaŭ Mikita.
Taksama ŭ muziej u 2024 hodzie byŭ pieradadzieny futbolny kubak paśla viasieńniaha rozyhryšu Lihi Biemoŭskaj, na jakim Mikita Miełkazioraŭ atrymaŭ tytuł najlepšaha abaroncy.
Kamientary