23 śniežnia pravaabaroncy pryznali palitviaźniami jašče 10 čałaviek. Ahulnaja kolkaść ludziej, jakija na siońnia pryznanyja ŭ Biełarusi palitviaźniami, składaje 1135 čałaviek.
U śpis palitźniavolenych byli dadadzienyja nastupnyja proźviščy:
Andrej Prychodźka, Andrej Asipienka, Mikałaj Bunievič, Vital Kanurkin, Rusłan Barančuk, Mikałaj Hałaluk, Uładzimir Mielikajeŭ, Dźmitryj Babicki, Jahor Kraŭčenia, Andrej Juškievič.
Chto hetyja ludzi i čamu pravaabaroncy ličać ich spravy palityčna matyvavanymi, možna daviedacca tut.
Śpis usich palitviaźniaŭ Biełarusi — tut.
Usiaho na hety momant palitviaźniami, pavodle acenak pravaabaroncaŭ, pryznanyja 1135 čałaviek. Apošnim časam ahulnaja ich kolkaść istotna nie raście i navat časam źmianšajecca. Ale heta nie tamu, što represii ŭ Biełarusi mienšajuć, — prosta paralelna z novymi vypadkami źniavoleńnia pa kryminalnych spravach idzie praces vyzvaleńnia tych asudžanych, chto całkam adbyŭ svoj termin. Niekatorych vyzvalajuć i pa pamiłavańniach, choć na ich miesca niaspynna nabirajuć novych viaźniaŭ. Taksama sudy niekatorym prysudžajuć «chatniuju chimiju», paśla čaho čałaviek vychodzić z turemnych ścien, tamu bolš nie ličycca viaźniem.
Varta taksama ŭličvać, što ŭ statystyku ŭvachodziać daloka nie ŭsie, chto znachodzicca ŭ źniavoleńni z palityčnych pryčyn, realnaja kolkaść biełaruskich palitviaźniaŭ bolšaja. Pra niekatorych pravaabaroncam prosta ničoha nie viadoma.
«Ludziam patrebna ciapło». Jak varšaŭski šełtar prymaje biełaruskich eks-palitviaźniaŭ
Byłaja palitźniavolenaja Hanna Kurys: Ja płakała, bo mnie nie dali ni z kim pa-ludsku raźvitacca
Cichanoŭskaja addała 15 tysiač jeŭra ad Łukašenki na padtrymku palitviaźniaŭ
Litoŭskija deputaty źviarnuli ŭvahu na spravu hramadzianina Litvy Siarhieja Botviča, jaki haładaje ŭ «Voŭčych Norach»
Kamientary