Łukašenka padpisaŭ ukaz ab abmienie z Rasijaj infarmacyjaj pra pierasiačeńnie miažy
Alaksandr Łukašenka 12 sakavika padpisaŭ ukaz №107 «Ab infarmacyjnaj sistemie abmienu źviestkami ab zamiežnych hramadzianach i asobach biez hramadzianstva».
U aficyjnym paviedamleńni śćviardžajecca, što ŭkaz padpisany z metaj udaskanaleńnia padychodaŭ da farmiravańnia adzinaj mihracyjnaj prastory na ahulnych pryncypach dziaržaŭ — udzielnic Damovy ab stvareńni Sajuznaj dziaržavy.
Novy ŭkaz nakiravany na realizacyju biełaruska-rasijskaha mižuradavaha pahadnieńnia ab uzajemnym pryznańni viz i pa inšych pytańniach, źviazanych z ujezdam zamiežnych hramadzian i asob biez hramadzianstva na terytoryju «Sajuznaj dziaržavy».
Ukazam praduhledžvajecca stvareńnie infarmacyjnaj sistemy abmienu źviestkami ab pierasiačeńni miažy ŭ punktach propusku, ab vydadzienych i kanfiskavanych (ci anulavanych) dakumientach na prava ŭjezdu i vyjezdu (tranzitu), a taksama paśviedčańniaŭ asoby zamiežnych hramadzian i asob biez hramadzianstva na terytoryi «Sajuznaj dziaržavy».
U studzieni 2025 hoda pačało dziejničać pahadnieńnie ab uzajemnym pryznańni viz pamiž Biełaruśsiu i Rasijaj. Jano było padpisana jašče ŭ 2020 hodzie, ale čatyry hady baki zajmalisia vyrašeńniem techničnych pytańniaŭ.
Taksama z 1 studzienia 2025 hoda pačała pracavać adzinaja sistema aŭtastrachavańnia ŭ Biełarusi i Rasii.
Łukašenka padpisaŭ zakon ab uzajemnych harantyjach biaśpieki z Rasijaj
Pucin padpisaŭ zakon ab ratyfikacyi Damovy ab harantyjach biaśpieki «Sajuznaj dziaržavy»
U Minsku ratyfikavali damovu, jakaja dazvalaje RF stvarać u Biełarusi vajennyja abjekty
Minabarony: Biełaruś razhladaje militaryzacyju la svaich zachodnich miežaŭ jak padrychtoŭku da napadu na Sajuznuju dziaržavu
Kamientary