Pucin: My zhodnyja z prapanovami spynić bajavyja dziejańni, ale jość niuansy
Pra heta prezident Rasii skazaŭ padčas supolnaj pres-kanfierencyi z Alaksandram Łukašenkam.
Pucin dadaŭ, što prapanova ab spynieńni ahniu pavinna pryvieści da doŭhaterminovaha miru i likvidavać pieršapryčyny «kryzisu».
«Niuansy», pa mierkavańni Pucina, heta ŭkrainskija sałdaty ŭ Kurskaj vobłaści i toje, što ź imi rabić.
«Što my budziem rabić z hetym učastkam uvarvańnia ŭ Kurskaj vobłaści? Kali my spyniajem bajavyja dziejańni na 30 sutak, što heta aznačaje? Što ŭsie, chto tam znachodzicca, buduć vychodzić biez boju? My ich adtul pavinny vypuścić (…)? Ci ŭkrainskaje kiraŭnictva daść im zahad skłaści zbroju?» — razvažaŭ Pucin.
Druhi niuans dla jaho — toje, jak budzie składvacca situacyja na linii sudakranańnia. «Rasijskija vojski nastupajuć praktyčna na ŭsich učastkach bajavoha sudakranańnia», — zajaviŭ Pucin.
«Hetyja 30 sutak buduć jak vykarystoŭvacca? Kab va Ukrainie praciahvałasia prymusovaja mabilizacyja? Kab tudy pastaŭlałasia zbroja? Kab mabilizavanyja novyja padraździaleńni prajšli padrychtoŭku? Ci ničoha hetaha nie budzie rabicca? Tady ŭźnikaje pytańnie. A jak buduć vyrašacca pytańni kantrolu, vieryfikacyi? (…) Jak nam budzie harantavana, što ničoha padobnaha adbyvacca nie budzie?» — skazaŭ jon.
Pucin ličyć, što ideja ab spynieńni ahniu «pravilnaja, ale jość pytańni, jakija treba abmierkavać».
Ciapier čytajuć
Sofja Sapieha: Pratasievič nahavaryŭ na mianie ceły tom kryminalnaj spravy11
Sofja Sapieha: Pratasievič nahavaryŭ na mianie ceły tom kryminalnaj spravy
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary