Danateła Viersače sychodzić z pasady kreatyŭnaj dyrektarki Versace paśla 28 hadoŭ pracy
Upieršyniu ŭ historyi dyzajn Versace budzie raspracoŭvać nie chtości ź viadomaj italjanskaj siamji. Pasadu kreatyŭnaha dyrektara zojmie Daryjo Vitale.
Danateła Viersače ciapier budzie vykonvać rolu ambasadarki brenda. Pra svoj adychod z pasady kreatyŭnaj dyrektarki jana napisała ŭ instahramie.
«Dla mianie było najvialikšym honaram praciahvać spravu majho brata Džani. Jon byŭ sapraŭdnym hienijem, ale ja spadziajusia, što ŭva mnie jość častka jaho duchu i zaciataści», — skazała jana.
Danateła Viersače adkazvała za dyzajny Versace z 1997 hoda — adrazu paśla śmierci jaje brata Džavani.
Pryčyny takich źmienaŭ u kampanii Danateła Viersače nie raskryła, ale The New York Times piša, što heta moža być źviazana z rašeńniem Capri Holdings, jakomu naležyć kantrolny pakiet akcyj Versace, pradać brend. Pa čutkach, cikavaść da Versace prajaŭlaje Prada Group.
Pasadu kreatyŭnaha dyrektara Versace zojmie Daryjo Vitale — 42-hadovy dyzajnier ź Nieapala. 1 krasavika ŭ Versace jon pierachodzić z brenda Miu Miu, jaki naležyć Prada.
Emanuel Hincburhier, hienieralny dyrektar Versace z 2022 hoda, nazvaŭ Vitale «redkim talentam, jaki hłyboka pavažaje sutnaść i kaštoŭnaści Versace i vyrazna razumieje patencyjał jaho rostu».
-
Hrodzienka addała za naroščanyja vałasy amal piać tysiač rubloŭ — za što takija hrošy?
-
«Heta rok-n-roł». Šura Stoŭn aceńvaje načosy łukašystak ź lehiendarnaha artykuła «Našaj Nivy»
-
Vyjšła kniha pra asabistyja zvyčki Makrona, u jakoj nazvali jaho lubimy vodar. Vytvorca vodaru nie vielmi radujecca navinie
Ciapier čytajuć
«Padniaŭ by ž*pu, prajechaŭ pa mahazinach». Praŭładnaja błohierka abrynułasia na Azaronka za chłuśniu pra bulbu12
Kamientary