Staršynia Biełaruskaj fiederacyi futboła Šarśnioŭ raskrytykavaŭ Minsportu
Mikałaju Šarśniovu nie padabajecca padychod Ministerstva sportu da biełaruskaha futboła, piša partał bel.football.
Na dumku Šarśniova, Minsportu stvaraje situacyju kanfliktu, a nie kampramisu. Pra heta jon skazaŭ, vystupajučy z dakładam padčas kanfierencyi Asacyjacyi, jakaja prachodziła ŭ staličnym domie futboła.
«Minsportu letaś nie padpisała kaštarys Fiederacyi, nie dazvoliŭšy atrymać srodki ad partnioraŭ. Praz heta hrošy niedaatrymali rehijony. Hrošy UEFA i FIFA iduć na kankretnyja prajekty i kantralujucca, dziesiać zbornych nie finansujucca ź Minsportu», — adznačyŭ jon.
Taksama Šarśnioŭ aburyŭsia tamu, što Biełaruś «faktyčna zhubiła druhuju lihu».
«Tam hulajuć, pa-inšamu nie skazać, kalektyvy ahulnafizičnaj padrychtoŭki», — skazaŭ jon.
Padčas kanfierencyi Šarśnioŭ ustupiŭ u emacyjanalny dyjałoh z namieśnikam ministra sportu Alaksandram Darachovičam, pieradaje betnews.
«Niejak navat nie čakaŭ… Dumaŭ, pryjdu na vyniki, buduć vysnovy, analiz, ale, na žal, pačuŭ, što ŭsie vakoł vinavatyja. A analiz dzie? Čamu niama vyniku? Čamu drenna hulajem? Kab rabić vysnovy, treba rabić analiz. A kali niama jaho, jość tolki hučnyja słovy pra toje, što ŭsie vakoł vinavatyja?» — adkazaŭ na jaho pramovu Darachovič.
Na što Šarśnioŭ skazaŭ «maładomu namieśniku ministra», što «nie treba jaho vučyć» i ŭ jaho «bolš dośviedu kiraŭnickaj pracy».
U 2023 hodzie vydańnie «Trybuna» paviedamlała pra napružanaść pamiž Minsportu i ABFF. Adznačałasia, što ministr sportu stvaraje alternatyŭnuju fiederacyju futboła, bo nie moža ŭpłyvać na ABFF.
Ciapier čytajuć
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary