Biełaruska papularyzuje alšanski dyjalekt — pasłuchajcie, jak jon hučyć
Kaciaryna Andrusievič naradziłasia ŭ Alšanach. Ciapier jana žyvie ŭ Niderłandach, raskazvajučy ŭ tyktoku pra cikavostki žyćcia ŭ emihracyi. Pry hetym bolšaść rolikaŭ Kaciaryny vychodzić na jaje rodnym alšanskim dyjalekcie.
Siarod inšaha, Kacia raskazvaje ŭ błohu pra styl alšanak, nazyvajučy ich supierstylovymi (navat u halošach), i dzielicca ŭražańniami ad spatkańniaŭ z mužčynami-alšancami. Adno sa spatkańniaŭ upeŭniła jaje ŭ tym, što jana nie choča bolš sustrakacca ź miascovymi.
«Ja zaŭsiody viedała, što alšanskija chłopcy lubiać paplavuzhać. I voś zaprasiŭ mianie chłopiec na spatkańnie, adzin raz schadzili, dva (nu, jak spatkańni — pajeździli ź im pa roznych siołach). I voś na trecim my pacałavalisia — ja zrazumieła, što jon mnie, vidać, nie pasuje. A paśla praz paru dzion sustrakaju svajho susieda, jaki takimi lipkimi frazami sprabuje zapytacca, što tam z maim chłopcam. Karaciej, ja zrazumieła, što toj [susiedu] raspavioŭ nie tolki, što my całavalisia, a jašče i oho-ho što. Paśla taho ja alšanskim chłopcam nie daviaraju».
Jašče Kaciaryna ŭ błohu raźbivaje stereatyp pra toje, što kałhaśniki — heta niešta haniebnaje, čaho treba saromiecca.
«Maje dziaduli, babuli, moj tata i navat ja pracavali ŭ kałhasie. Ale čamu tyja, chto sumlenna pracavaŭ, pachaŭ ziamlu i karmiŭ haradskich, robiacca abjektam kpinaŭ?» — zadajecca pytańniem dziaŭčyna. «My — siamja kałhaśnikaŭ», — z honaram tranśluje Kaciaryna.
Časam jana sama žartuje sa svaich viaskovych tradycyj.
«Navošta razmaŭlać z hetym hovaram, kali možna razmaŭlać narmalna?» — zadajuć pytańnie niekatoryja kamientatary. Na što Kacia adkazvaje, što moža jašče i pa-anhlijsku, i na italjanskaj movie, ale što značyć norma?
A ŭ videa nižej Kaciaryna padzialiłasia alšanskimi słovami, jakija siońnia redka vykarystoŭvajucca: «kvarta», «chierša» i inšymi. A ŭ vas atrymajecca adhadać ich značeńnie?
U kamientarach miarkujuć, što kvarta — heta kubak, chierša — limanad, a baskolić, naprykład, «nie pieścić». Ale pakul što aŭtarka nie ahučyła pravilnych adkazaŭ.
«Heta nie majo, heta siabra». Biełarus zdymaje reakcyju achoŭnikaŭ mietro na fałaimitatary ŭ zaplečniku — videa źbirajuć miljony prahladaŭ
«Amierykanski Duhin». Jak małaviadomy błohier upłyvaje na važnych fihur administracyi Trampa
Amierykaniec, jaki šturmavaŭ Kapitolij i jakoha pamiłavaŭ Tramp, adkryŭ u Breście restaran
Kamientary
Pražyŭ žyćcio, ale nie viedaju nivodnaha kałhaśnika, jaki b zadarma padzialiŭsia b kavałkam chleba! Zdušacca ad prahnaści za kapiejku.
U dadatak. Na kolki mnie viadoma, Alšany vyłučna habrejskaje miastečka, a tut ...