Беларуска папулярызуе альшанскі дыялект — паслухайце, як ён гучыць
Кацярына Андрусевіч нарадзілася ў Альшанах. Цяпер яна жыве ў Нідэрландах, расказваючы ў тыктоку пра цікавосткі жыцця ў эміграцыі. Пры гэтым большасць ролікаў Кацярыны выходзіць на яе родным альшанскім дыялекце.
Сярод іншага, Каця расказвае ў блогу пра стыль альшанак, называючы іх суперстылёвымі (нават у галёшах), і дзеліцца ўражаннямі ад спатканняў з мужчынамі-альшанцамі. Адно са спатканняў упэўніла яе ў тым, што яна не хоча больш сустракацца з мясцовымі.
«Я заўсёды ведала, што альшанскія хлопцы любяць паплявузгаць. І вось запрасіў мяне хлопец на спатканне, адзін раз схадзілі, два (ну, як спатканні — паездзілі з ім па розных сёлах). І вось на трэцім мы пацалаваліся — я зразумела, што ён мне, відаць, не пасуе. А пасля праз пару дзён сустракаю свайго суседа, які такімі ліпкімі фразамі спрабуе запытацца, што там з маім хлопцам. Карацей, я зразумела, што той [суседу] распавёў не толькі, што мы цалаваліся, а яшчэ і ого-го што. Пасля таго я альшанскім хлопцам не давяраю».
Яшчэ Кацярына ў блогу разбівае стэрэатып пра тое, што калгаснікі — гэта нешта ганебнае, чаго трэба саромецца.
«Мае дзядулі, бабулі, мой тата і нават я працавалі ў калгасе. Але чаму тыя, хто сумленна працаваў, пахаў зямлю і карміў гарадскіх, робяцца аб’ектам кпінаў?» — задаецца пытаннем дзяўчына. «Мы — сям’я калгаснікаў», — з гонарам транслюе Кацярына.
Часам яна сама жартуе са сваіх вясковых традыцый.
«Навошта размаўляць з гэтым говарам, калі можна размаўляць нармальна?» — задаюць пытанне некаторыя каментатары. На што Каця адказвае, што можа яшчэ і па-англійску, і на італьянскай мове, але што значыць норма?
А ў відэа ніжэй Кацярына падзялілася альшанскімі словамі, якія сёння рэдка выкарыстоўваюцца: «кварта», «херша» і іншымі. А ў вас атрымаецца адгадаць іх значэнне?
У каментарах мяркуюць, што кварта — гэта кубак, херша — ліманад, а басколіць, напрыклад, «не песціць». Але пакуль што аўтарка не агучыла правільных адказаў.
«Гэта не маё, гэта сябра». Беларус здымае рэакцыю ахоўнікаў метро на фалаімітатары ў заплечніку — відэа збіраюць мільёны праглядаў
«Амерыканскі Дугін». Як малавядомы блогер уплывае на важных фігур адміністрацыі Трампа
Амерыканец, які штурмаваў Капітолій і якога памілаваў Трамп, адкрыў у Брэсце рэстаран
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары
Пражыў жыццё, але не ведаю ніводнага калгасніка, які б задарма падзяліўся б кавалкам хлеба! Здушацца ад прагнасці за капейку.
У дадатак. На колькі мне вядома, Альшаны вылучна габрэйскае мястэчка, а тут ...