«Adnaznačna było strašna». Pamiežniki pažartavali z brytanskaha tyktokiera, jaki prasiŭ DNŽ u Kubrakova
Uił Ehiertan viarnuŭsia ŭ Biełaruś i trapiŭ na razmovu da pamiežnikaŭ. Ale dla jaho ŭsio skončyłasia dobra.
Brytanski błohier Uił Ehiertan znoŭ pryjechaŭ u Biełaruś. Pra pryhody tyktokiera ŭ sałatavych šortach i futbołcy my ŭžo raskazvali. U minułym hodzie jon pryjazdžaŭ u Biełaruś niekalki razoŭ, jaho palubili jak prostyja biełarusy, jakija pry sustrečy na vulicy z radaściu kidajucca abdymać Uiła, tak i prapahandysty z čynoŭnikami.
Ehiertan zdymaŭ zachaplalnyja roliki z roznych biełaruskich haradoŭ, z zadavalnieńniem jeŭ zhuščonku, hulaŭ u futboł i sustrakaŭsia z fanatami. A kali pryjšoŭ čas źjazdžać, źviarnuŭsia da ministra ŭnutranych spraŭ Ivana Kubrakova z prośbaj dazvolić jamu zastacca. Čynoŭniki i prapahandysty ŭchapilisia za takuju mahčymaść: Ehiertanu ŭ sałatavych šortach zładzili asabistuju sustreču z Kubrakovym. Toj na kamieru łaskava dazvoliŭ brytancu pakatacca pa Biełarusi jašče krychu, za što atrymaŭ ad tyktokiera tonu kamplimientaŭ.
Ale ŭ kancy hoda Uiłu ŭsio ž daviałosia źjechać. Nie dapamahła navat kampanija «Dajcie chłopcu DNŽ», jakuju jon pasprabavaŭ razharnuć u sacsietkach. Vyjazdžaŭ ź Biełarusi brytaniec taksama nie biez pryhod. Na miažy jaho raźviarnuli: jon zabyŭsia aformić vyjaznuju vizu. Pakinuŭšy Biełaruś, tyktokier źjeździŭ u Polšču, Japoniju, Kitaj i AAE, a ciapier znoŭ apynuŭsia ŭ našaj krainie.
Ale viartańnie taksama akazałasia niervovym. U aeraporcie na pašpartnym kantroli Ehiertana zaviali ŭ asobny pakoj na razmovu z surjoznym pamiežnikam. Dla mnohich biełarusaŭ, jakija viartajucca ŭ krainu, takaja razmova zvyčajna nie praročyć ničoha dobraha, ale Uiłu paščaściła.
Akazałasia, pamiežniki vyrašyli źniać prank nad błohieram dla svajho tyktoka. U kancy razmovy ŭ pakoj uvajšoŭ jašče adzin supracoŭnik i padaryŭ Ehiertanu ŭpakoŭku zhuščonki. Niadaŭna tyktokier jakraz skardziŭsia, što jahonyja zapasy łasunku skončylisia. Videa z rozyhryšam na kanale Pamiežnaha kamiteta sabrała ŭžo 857 tysiač prahladaŭ i bolš za 1300 kamientaryjaŭ.
Uił raskazaŭ, što spačatku jamu było sapraŭdy strašna.
«Ci napužaŭsia ja? Moža być, ja nie praviaraŭ. Chvalavańnie biblejskich maštabaŭ. Ale ŭsio akiej, usio dobra. Ja prosta chaču padziakavać chłopcam, pamiežnikam, za zhuščonku. Dobra atrymałasia!» — padzialiŭsia emocyjami Uił. Darečy, dla siabie na viečnaje biełaruskaje pytańnie jon užo adkazaŭ: jamu padabajecca rahačoŭskaja, a nie hłybockaja.
Ciapier u Ehiertana jość tryccać dzion, kab padarožničać pa Biełarusi pa biaźvizie. Kali, viadoma, Kubrakoŭ znoŭ nie vyrašyć sustrecca z hościem ź Vialikabrytanii.
Brytanski błohier padklučyŭ da viečnaj sprečki pra biełaruskuju zhuščonku svaich baćkoŭ. Ich vybar adnahałosny
Brytanski błohier, jaki zmahaŭsia za biełaruski DNŽ i chadziŭ da Kubrakova, usio ž vyjechaŭ ź Biełarusi. Vypuścili nie ź pieršaj sproby
Brytanski błohier, jaki chadziŭ na pakłon da Kubrakova, skardzicca, što nie moža atrymać dazvoł na žycharstva ŭ Biełarusi
«Paśla matča pajechali z chłopcami na daču». Anhlijski tyktokier, jakoha prymaŭ Kubrakoŭ, zhulaŭ u druhoj futbolnaj lizie Biełarusi
Ciapier čytajuć
Łukašenka raskazaŭ pra zabojstva apazicyjaniera, jakoje nibyta adbyłosia try dni tamu15
Kamientary
Zdymuć prank, jak prapuskajuć rasiejskija tanki.
I navat žarty tut ("Vołnujetsia?") pa sutnaści sadysckija, z uśviedamleńniem svajoj ułady nad zvyčajnymi hramadzianami.