«Paśla matča pajechali z chłopcami na daču». Anhlijski tyktokier, jakoha prymaŭ Kubrakoŭ, zhulaŭ u druhoj futbolnaj lizie Biełarusi
Tyktokier Uił Ehiertan, jaki žyvie ŭ Biełarusi i zdymaje roliki pra jaje, staŭ futbalistam rahačoŭskaha «Dniapra» i ŭziaŭ udzieł u matčy suprać «Vietki». Heta byŭ pieršy raz u žyćci, kali jon hulaŭ u futboł.
Matč skončyŭsia ź likam 12:1 na karyść rahačoŭskaj kamandy. Ehiertan vyjšaŭ na pole na 67-j chvilinie, kali na tabło byli ličby 9:0. I navat moh zabić miač.
«U mianie masa uražańniaŭ, dahetul pierapaŭniajuć stanoŭčyja emocyi. Ja zhulaŭ usiaho 20 chvilin u kancy matča, ale ja lublu biehać i navat ledź nie zabiŭ hoł! Ale, na žal, nie patrapiŭ», — tak anhličanin prakamientavaŭ svoj debiut vydańniu Bet News.
Ehiertan pryznaŭsia, što heta byŭ jahony pieršy dośvied hulni ŭ futboł, bo raniej jon zajmaŭsia tolki rehbi. Lehijanier raskazaŭ, što jaho dobra pryniali ŭ kamandzie, na stadyjonie ź im sfatahrafavalisia bolš za 200 čałaviek, a paśla pieramohi ŭsie futbalisty pajechali tusavacca na daču za Rahačoŭ.
Niekalki tydniaŭ tamu Uił Ehiertan zapisaŭ zvarot da ministra unutranych spraŭ Biełarusi Ivana Kubrakova z prośbaj praciahnuć jamu termin znachodžańnia ŭ krainie. Paśla hetaha błohiera zaprasili ŭ MUS, dzie Kubrakoŭ asabista pryniaŭ jaho ŭ svaim kabiniecie. U vyniku Ehiertanu dazvolili znachodzicca ŭ Biełarusi da siaredziny vieraśnia.
-
Łatvijskaja tenisistka budzie vystupać za Biełaruś, u jaje 808‑ie miesca ŭ rejtynhu
-
«Mnie zdavałasia, što žyćcio zakančvajecca, a ŭ jaho ŭ 70 hadoŭ było poŭna płanaŭ». Čempijonka śvietu pa frystajle Ramanoŭskaja pra Kazieku
-
Kryścina Cimanoŭskaja i Maryja Žodzik zdabyli miedali na čempijanacie Jeŭropy pa lohkaj atletycy
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»1414
Kamientary