Daradca Śviatłany Cichanoŭskaj kaža, što addaść hadzińnik ludziam, jakija zrobiać najbolšy danat.
Franak Viačorka addaje svoj hadzińnik u dobryja ruki.
«Addam hety hadzińnik u dobryja ruki, što zrobiać najbolšy danat na dobruju biełaruskuju spravu, dapamohu palitviaźniam, našym vajaram va Ukrainie ci vieteranam.
Kab paŭdzielničać, vam treba napisać u kamientarach (da pasta ŭ fejsbuku) ci mnie ŭ pryvatnych paviedamleńniach, kolki vy hatovyja achviaravać, kab atrymać hadzińnik. Vy sami možacie vybrać — publičnym ci ananimnym budzie vašaje achviaravańnie, a taksama jaki biełaruski zbor, kamu dzie (na BYSOL, ci na inšych placoŭkach, dzie jość zbory na biełarusaŭ i biełarusak).
Dla mianie hety hadzińnik byŭ padarunkam, tamu startavy košt — vašaja pieršaja staŭka.
Pieramoža najvyšejšaja staŭka na 23.59 (SIET), 25.03.2025. Hadzińnik budzie pieradadzieny pieramožcu paśla pieraličeńnia zajaŭlenaha danata», — napisaŭ jon u fejsbuku.
Hod tamu žurnalisty źviarnuli ŭvahu na darahi hadzińnik za 9 200 dalaraŭ Franaka Viačorki. Paśla rozhałasu hałoŭny daradca Śviatłany Cichanoŭskaj vyrašyŭ addać aksiesuar na dabračynnaść, pradaŭšy jaho na aŭkcyjonie, ale heta nie było zroblena.
«Ja nie zajmajusia hetym. Ja jaho pieradaŭ daŭnym-daŭno. Hadzińnik u biaśpiecy, lažyć u siejfie ź inšymi łotami. Čakaje na aŭkcyjon», — skazaŭ «Biełsatu» Franak Viačorka ŭ pačatku hetaha tydnia.
Ciapier čytajuć
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ88
Kamientary
dyk padarunki ž nie pieradorvajuć, a tym bolš nie pradajuć