Biełaruska pierajechała ŭ Niderłandy, kab kančatkova źmianić poł. Jak heta ŭładkavana i kolki kaštuje?
Stefanija — transhiendarnaja dziaŭčyna ź Biełarusi. Jana pierajechała ŭ Niderłandy, kab da kanca davieści praces pierachodu z mužčyny ŭ žančynu, raspačaty jašče ŭ Biełarusi — zrabić vahinapłastyku. U tyktoku jana dzielicca ŭsimi krokami i pieražyvańniami na šlachu da pieraŭtvareńnia ŭ žančynu.
Watch on TikTok
Stefanija pačała svoj transhiendarny pierachod, jašče kali joj było 15 hod. Tady, pa jaje słovach, heta było «na jaje strach i ryzyku», i jana nikomu nie rekamienduje paŭtarać: dziaŭčyna pačała prymać harmanalnyja preparaty pa svaim rašeńni, nielehalna i biez dazvołu daktaroŭ, bo była niepaŭnaletniaj (tolki z 18 hod mahčymy zvarot da Mižviedamasnaj kamisii pa miedyka-psichałahičnaj i sacyjalnaj reabilitacyi asob ź sindromam admaŭleńnia połu).
«Kali ja atrymała aficyjnaje pazityŭnaje rašeńnie kamisii, mnie pačali aficyjna vypisvać harmanalny preparat u tabletkach. U 2020-m ja daviedałasia, što isnujuć estradyjołavyja hieli, i jany lepš zasvojvajucca, nie škodziać piečani, tamu ja pačała karystacca imi».
Ciapier dziaŭčynie amal 28.
U jaje za plačyma — razvod z mužam paśla piaci hod šlubu. Jana praciahvaje prymać harmony, užo pieraniesła archiektamiju (apieracyju pa vydaleńni jaječak). Dziakujučy płastycy, u jaje jość hrudzi, novy nos i vusny, jana vyhladaje pa-žanocku. Taksama Stefanija jašče ŭ Biełarusi źmianiła hiendarny markier u pašparcie, ale jana maryć, kab usio było harmanična «nie tolki źvierchu, ale i źnizu» — dla hetaha i patrebnaja vahinapłastyka.
«Ja žyła dosyć kamfortnym žyćciom, ale realna stamiłasia: chaču mieć mahčymaść vyjści na plaž, nie dumajučy, ci nie advaliŭsia ŭ mianie śpiecyjalny skotč dla ściahvańnia. Ci viedajecie, jak mnie było niekamfortna, kali ja pracavała madellu, i ŭ mianie byli kastynhi ŭ kupalnikach ź inšymi dziaŭčatami, a stajała ja, takaja voś, z «siurpryzikam», — dzielicca Stefanija.
Watch on TikTok
Praces padrychtoŭki da apieracyi ŭ Niderłandach uklučaje sustrečy z terapieŭtam, endakrynołaham, a taksama ź psichołaham. Pa vyniku vysnovaŭ apošniaha źbirajecca kansilium, na jakim i vyrašajecca, ci dazvalajuć daktary źmienu połu kankretnamu čałavieku.
Na dniach biełaruscy pryjšoŭ stanoŭčy adkaz: jaje ŭklučyli ŭ list čakańnia na apieracyju, jakaja adbudziecca praz 10-12 miesiacaŭ.
Watch on TikTok
Stefanija raspaviała pra košt padobnych apieracyj u Niderłandach. Mienavita hetuju krainu dla pracedury jana vybrała tamu, što tam, na jaje pohlad, adna z najlepšych sistem miedycynskaha strachavańnia ŭ Jeŭropie.
«U Niderłandach abaviazkovaja strachavaja sistema, vy nie možacie tut žyć i pracavać bieź miedycynskaj strachoŭki. Sama sistema šmatuzroŭnievaja: niechta moža płacić 145 jeŭra za bazavuju abaviazkovuju strachoŭku, niechta 170, a niechta 320 — usio zaležyć ad taho, što ŭklučana ŭ vaš pakiet.
I mienavita strachavyja kampanii apłačvajuć apieracyi pa źmienie połu, i heta ŭvachodzić u bazavy polis. Sama ž pa sabie apieracyja moža kaštavać da 17 tysiač jeŭra», — raspaviadaje jana.
U kamientarach dziaŭčynu časam zaklikajuć adumacca i nie iści «suprać zakonaŭ pryrody i boskaj voli». Ale jość i tyja, chto padtrymlivaje vybar Stefanii i radujecca za jaje pieramieny.
Sama jana ličyć, što źjaŭlajecca bolšaj chryścijankaj, čym tyja, chto hatovy ckavać inšych ludziej: «Uva mnie bolš lubovi».
Ciapier čytajuć
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3636
Kamientary
"... kali ja pracavała madellu, i ŭ mianie byli kastynhi ŭ kupalnikach ź inšymi dziaŭčatami, a stajała ja, takaja voś, z «siurpryzikam»", — dzielicca Stefanija.
Ničoha nie zrazumieŭ. Jaki ŭ jaje byŭ šlub i razvod u Biełarusi, kali ŭ muža i ŭ jaje byli penisy. To bok atrymlivajecca, heta była homasieksualnaja para i heta było aficyjna ŭ Biełarusi. Atrymlivajecca, aficyjna možna aformić homaseksualny šlub u Biełarusi, prosta adzin z partnioraŭ pavinien źmianić poł u pašparcie. Jak cikava...