22 sakavika sietka kvizaŭ «Mazhabojnia» praviała samuju praciahłuju hulniu ŭ svajoj historyi — za 12 hadoŭ isnavańnia padobnaha jašče nie było. Zamiest zvykłych dźviuch hadzin, udzielniki adkazvali na pytańni 11 hadzin zapar, piša Onliner.by.
U maštabnym intelektualnym mierapryjemstvie ŭziali ŭdzieł bolš za 800 hulcoŭ i 257 kamand z roznych haradoŭ Biełarusi: Minska, Viciebska, Hrodna, Maładziečna i inšych.
Kviz uklučaŭ piać hulniavych błokaŭ: kłasičny farmat, muzyčnuju viktarynu, hulniu pa miemach i inšyja tematyčnyja raŭndy. Pieramohu ŭ marafonie śviatkavała kamanda ź Viciebska.
Jak raspaviali arhanizatary, ideja 11-hadzinnaha mierapryjemstva naradziłasia z kancepcyi idealna spłanavanaha vychodnaha: kali razam ź siabrami całkam pahružaješsia ŭ lubimaje chobi — i bolš ni pra što nie dumaješ.
Prajekt «Mazhabojnia», što ŭźnik u Minsku ŭ 2012 hodzie, staŭ pieršym ruskamoŭnym kvizam i zasnavalnikam cełaha kirunku padobnych hulniaŭ na postsavieckaj prastory. Siońnia heta franšyza, pad jakoj kvizy pravodziacca ŭ 30 krainach śvietu.
Kamientary