Łukašenka rezka absiek inicyjatyvu premjera Turčyna: «Pačynaje varušyć staroje»
Łukašenku nie padabajecca ideja, vykazanaja dniami niadaŭna pryznačanym premjeram Alaksandram Turčynym, adnosna taho, što treba padkaracić śpis tavaraŭ, na jakija ceny rehulujucca dziaržavaj.
Turčyn u intervju telekanału «Biełaruś 1» vykazaŭ takoje svajo bačańnie prablemy:
«Nam treba vyznačycca z tym pieralikam tavaraŭ, jaki chvaluje bolšaść ludziej. I, skažam tak, upłyvaje na małazabiaśpiečanyja, nieabaronienyja słai našaha nasielnictva. Tamu kanceptualna ja dumaju, što zvužeńnie hetaha pieraliku vidavočna.
Nam treba pakinuć tyja tavary, jakija ŭ najbolšaj stupieni chvalujuć ludziej. U ramkach hetaha pieraliku my pavinny zadać niejkija ramki abo paramietry subjektam haspadarańnia. Kab toj ža vytvorca nie chadziŭ u abłvykankam pa kožnaje ŭzhadnieńnie.
Heta značyć, niejkija zadadzienyja paramietry, u ramkach jakich ty pracuješ. Kali ty vychodziš za hetyja paramietry, tady nieabchodna niejkaje ŭzhadnieńnie».
Łukašenku, adnak, taki padychod aburaje:
«Novy premjer-ministr pačynaje varušyć staroje, što: «Nu čaho tam my parymsia, davajcie skarocim napałovu abo na tracinu kantralavanyja tavary, chaj jany sami tam pavialičvajuć košt jak chočuć, a voś hetyja sacyjalna značnyja tavary — heta važna». A chto skazaŭ, što heta sacyjalna značnaje? Dapuścim, aŭtamabil dla nas užo pierastaŭ być sacyjalna značnym. Ci jon sacyjalna značny? Ci załaty piarścionak? […] Dyk heta nie sacyjalna značny tavar? Byccam by nie».
Tamu, jak jon ličyć kali «my starymi šlachami pojdziem, to my naŭrad ci što-niebudź vypracujem».
Turčyn: Pieralik tavaraŭ z rehulavanymi cenami skarociać
Turčyn: U Biełarusi nie buduć biazdumna zajmacca emisijaj hrošaj
Łukašenka zvolniŭ čynoŭnicu, jakaja kiemaryła padčas jahonaj inaŭhuracyi
Łukašenka: Niekatoryja tut pačali viakać, zaraz u Nacbanku ŭklučać stanok
Łukašenka daručyŭ «davieści ła ładu» Brest i Mahiloŭ
Kamientary