Viadučy ranišniaha šoŭ «Obyčnoje utro» Kanstancin Kavieryn u efiry pieradačy padzialiŭsia svaimi ŭražańniami ad kancerta DDT u Varšavie.
25 sakavika DDT vystupili z kancentram u Varšavie. Pasłuchać ich pryjšoŭ i Kavieryn, ale padčas vystupu Juryja Šaŭčuka ŭ jaho «niešta złamałasia», raskazaŭ viadučy.
Z muzykaj, zaŭvažyŭ Kavieryn, ničoha drennaha nie adbyłosia, sam kancert byŭ cudoŭny.
Ale naprykancy Šaŭčuk skazaŭ kolki słoŭ pierad pieśniaj «Heta ŭsio». Śpiavak padzialiŭsia, što spadziajecca, biełarusy, ukraincy i rasijanie ŭ budučyni buduć žyć dobra «jak raniej».
«I ŭ mianie ŭsio złamałasia. Ja pajšoŭ, nie dasłuchaŭ hety kancert. Tamu što ja nie chaču žyć razam, jak raniej. Mnie zdałosia, što jakim by dobrym ni byŭ Juryj Julijanavič, jon tak ničoha i nie zrazumieŭ. Tak i nie zrazumieŭ, što adbyłosia. Ja pryjechaŭ [damoŭ] — adkryŭ telefon: udary pa Kryvym Rozie. Z karcinkami, usio jak treba. Uładzimir Uładzimiravič Pucin taksama choča, kab usie žyli razam jak raniej».
Kavieryn niekalki razoŭ padkreśliŭ, što heta vyklučna jaho pačućci ad kancerta i jon «nikoha ni da čaho nie zaklikaje».
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1111
Kamientary