25-hadovaja dziaŭčyna viarnułasia praz kamisiju pa viartańni — mahčyma, što z Rasii
Alena Damasievič była vymušanaja dać intervju prapahandystcy Ksienii Lebiedzievaj i patłumačyć svaju matyvacyju.
25-hadovaja Alena Damasievič viarnułasia ŭ Biełaruś. Jak śćviardžajuć dziaržaŭnyja ŚMI, heta adbyłosia pry ŭdziele «kamisii pa viartańni».
Joj daviałosia dać intervju prapahandystcy Ksienii Lebiedzievaj.
Pa słovach Aleny, jana adzin raz była na maršy pratestu ŭ kastryčniku 2020 hoda. Kaža, što ab supravadžeńni na maršy jaje prasiła maci, jakaja «chacieła paŭdzielničać i drenna viedała horad».
Sa słoŭ dziaŭčyny niezrazumieła, kali jana pakinuła Biełaruś, pa jakoj pryčynie i dzie znachodziłasia. Dakładna viadoma, što pa stanie na 2024 hod Alena była ŭ sajuznym biełaruska-rasijskim vyšuku.
Damasievič raskazvaje, što dobra vučyłasia, zakončyła ŭniviersitet i adpracavała raźmierkavańnie. Paśla stała pracavać u Rasii, była kiraŭnikom adździełu prodažu na firmie.
Jak śćviardžaje dziaŭčyna, u peŭny momant jana sa svaim maładym čałaviekam znajšła infarmacyju ab minułych pasiadžeńniach kamisii pa viartańni ŭ internecie, paraiłasia ź jurystam i nakiravała zajavu pa elektronnaj pošcie. Praź niekatory čas atrymała adkaz, što zajava pryniata da razhladu.
«Razhladałasia jana pa terminach na praciahu dvuch miesiacaŭ. I mnie pryjšoŭ adkaz ab tym, što pasiadžeńnie kamisii adbyłosia. I rašeńnie ab miery strymańnia było źmieniena. Pra što ja była šalona rada. I sa spakojnaj dušoj ja pierasiekła miažu. Ja pryjechała, padpisała siakija-takija papiery», — raskazvaje Alena.
Praŭda, jak zaŭvažaje Alena, u Biełarusi, mahčyma, jana nie zastaniecca nazaŭsiody, bo jaje małady čałaviek moža vyrašyć žyć u Rasii i tam stroić siamju.
«Ale ja dakładna chaču, kab u mianie była mahčymaść viartacca», — davodzić Damasievič.
Lebiedzieva akcentuje ŭvahu, što Alena z mnahadzietnaj siamji, jakoj dziaržava akazvała dapamohu.
«Što vy nabrachali — toje ŭsio zabuduć». Śvietłahorskaja rajonka vyrašyła prarekłamavać kamisiju pa viartańni ŭ vieršach
«Niedzie, moža, pastaviŭ łajk nie toj». Na BT pakazali čarhovaha biełarusa, jaki pryjechaŭ na radzimu praz kamisiju pa viartańni
Švied: Praz kamisiju pa viartańni viarnulisia 19 čałaviek, dazvoł atrymali jašče 40 čałaviek
Ciapier čytajuć
Top sučasnych elitnych žyllovych kompleksaŭ Minska. Kvadrat tam kaštuje da 11 000 dalaraŭ1
Kamientary
Jana što, adpracavała raźmierkavańnie u Rasii? Čamu jana tam była?