Dziaržaŭnaja rajonka apublikavała zdymak Kačanavaj biez retušy. Heta značna adroźnivajecca ad taho, što my pryvykli bačyć
Śviežyja fotazdymki Natalli Kačanavaj na sajcie haziety «Mijorskija naviny» zaŭvažyła «Viciebskaja Viasna». Kali aficyjnyja kanały staranna retušujuć zdymki staršyni Savieta Respubliki, to miorskaja rajonnaja hazieta nie zrabiła hetaha.
Na sajcie miascovaha vydańnia Natalla Kačanava pavinšavała z 60-hadovym jubilejem kalektyŭ miasakambinata. Navina była prailustravana zusim nie paradnym fotazdymkam vysokaj kiraŭnicy.
Publikacyja była zroblena miesiac tamu, ale nijakich nastupstvaŭ dla redakcyi, vidavočna, nie mieła.
Chacia čytačy pryzvyčailisia bačyć Kačanavu zusim inšaj. I taki adretušavany zdymak taksama jość na «Mijorskich navinach».
Mahčyma, što hłybokaja retuš Kačanavaj ad staličnych pijarščykaŭ na aficyjnych resursach — heta ich ułasnaja inicyjatyva.
Natalla Kačanava naradziłasia 25 vieraśnia 1960 u Połacku. Pa nacyjanalnaści ruskaja. Skončyła Navapołacki politechničny instytut (1982) i Akademiju kiravańnia (2006).
Pracavała ŭ połackim «Vodakanale» (1982—1995), u žyllovakamunalnaj haspadarcy Połacka (1995—2002).
U 2002—2007 — načalnica adździeła ŽKH, namieśnica staršyni Połackaha harvykankama pa budaŭnictvie i ŽKH, u 2007—2014 — staršynia Navapołackaha harvykankama.
2014—2016 — namieśnica premjer-ministra Biełarusi.
2016—2019 — kiraŭnica Administracyi prezidenta.
Z 2019 — staršynia Savieta Respubliki.
Zamužam, maje dźviuch dačok.
-
«Ja zaŭsiody byŭ praŭkrainskim čałaviekam». Biełarus amal 20 hadoŭ pracavaŭ u Maskvie — voś što ź im adbyłosia paśla 2022‑ha
-
U Biełarusi — 365 ekstremisckich farmavańniaŭ i arhanizacyj
-
«Byvajuć prosta bolevyja zapoi. Kali ty z bolu nie vyłaziš…». Halina Kazimiroŭskaja — pra baraćbu z ankałohijaj, chimijaterapiju i toje, čamu nie ŭmieje prasić dapamohi
Ciapier čytajuć
Piać dzion, 60 udzielnikaŭ, saŭna, biljard i kryki adno na adnaho. Raskazvajem, jak prajšła zakrytaja «hulnia Mackieviča»59
Kamientary