Bankaŭski pracesinhavy centr papiaredziŭ uładalnikaŭ kartaŭ šerahu biełaruskich bankaŭ pra toje, što ŭ subotu jany mohuć adčuvać prablemy pry praviadzieńni apieracyj.
Jak paviedamili ŭ Bankaŭskim pracesinhavym centry, na 29 sakavika zapłanavanyja technałahičnyja raboty na jaho sietkavym abstalavańni. U suviazi z hetym z 2:30 da 5:00 trymalniki kartak bankaŭ, jakija karystajucca pasłuhami centra, mohuć sutyknucca z karotkačasovymi pierapynkami ŭ absłuhoŭvańni.
Taksama mohuć być ciažkaści pry praviadzieńni apieracyj pa kartach u arhanizacyjach handlu i servisu, u punktach vydačy najaŭnych, pryładach samaabsłuhoŭvańnia i bankamatach, jakija absłuhoŭvajucca bankami, jakija padklučany da aparatna-prahramnaha kompleksu centra.
Partniorami Bankaŭskaha pracesinhavaha centra źjaŭlajecca ceły šerah biełaruskich bankaŭ, siarod jakich Biełarusbank, Biełahraprambank, Parytetbank, Bank «Rašeńnie», Niea Bank Azija, Ceptar Bank, BSB Bank.
Kamientary