Mitrapalit Vienijamin ličyć prablemu brydkasłoŭja vielmi vostraj.
Sustaršynia hramadskaj rady pa maralnaści mitrapalit Vienijamin raskazaŭ, što ŭ Biełarusi abmiarkoŭvajecca ŭviadzieńnie adkaznaści za niecenzurnuju łajanku.
Pavodle słoŭ pradstaŭnika BPC, prablema brydkasłoŭja siarod moładzi adna z samych vostrych, piša BiełTA.
«Publičnaje vykarystańnie łajankavych, niecenzurnych słoŭ nastolki raspaŭsiudziłasia ŭ sučasnym hramadstvie, što zachapiła navat samyja maładyja rozumy i vusny. Padobnyja słovy ŭžyvajuć dzieci, školniki, moładź, pryčym nie tolki chłopcy, ale i dziaŭčaty. U pravasłaŭnaj carkvie prychilnaść da brydkasłoŭja prosta nazyvajecca hrachom. Sa smutkam možna adznačyć, što ŭ ciapierašni čas svaju movu ad złych i niecenzurnych słoŭ nie zachoŭvajuć vielmi i vielmi mnohija, brydkasłoŭje nabyvaje masavy charaktar», — ličyć Vienijamin.
Pa jaho słovach, Carkva źviarnułasia da Instytuta sacyjałohii NAN i Biełaruskaha kamiteta maładziožnych arhanizacyj z prapanovaj pravieści daśledavańnie ab upłyvie na hramadstva, asabliva na dziaciej i moładź, niecenzurnaj movy i rekłamy azartnych hulniaŭ.
«Taksama ciapier ažyćciaŭlajecca realizacyja inicyjatyvy rady pa ŭklučeńni ŭ tematyku adzinych dzion infarmavańnia nasielnictva Biełarusi temy čyścini movy. Abmiarkoŭvajecca jak adzin sa srodkaŭ prapanova ŭvieści ŭ zakanadaŭstva adkaznaść za niecenzurnuju łajanku, padobna da toj normy, jakaja isnavała raniej», — adznačyŭ mitrapalit.
A pakul rada pa maralnaści źbirajecca pravieści moładzievy konkurs sacyjalnych rolikaŭ ab čyścini movy i škodnaści nienarmatyŭnaj leksiki, a taksama kruhły stoł z čynoŭnikami.
«Sumiesna z pradziusarskim centram «Biełraskino» płanujecca stvaryć i raspaŭsiudžvać u maładziožnych sacyjalnych sietkach tematyčnyja sacyjalnyja roliki, pryśviečanyja prafiłaktycy brydkasłoŭja, užyvańnia enierhietyčnych napojaŭ i inšych tavaraŭ, zdolnych nanieści škodu zdaroŭju, zachapleńnia azartnymi hulniami», — skazaŭ Vienijamin.
Adkaznaść za niecenzurnuju łajanku była praduhledžanaja Kodeksam ab administracyjnych pravaparušeńniach da 2018 hoda. Zatym u zakony ŭnieśli papraŭki, i zhadka pra niecenzurnuju łajanku źnikła z artykuła ab drobnym chulihanstvie.
Pry hetym u KaAP zastałasia artykuł ab abrazie, u tym liku ŭ publičnym vystupleńni, u ŚMI abo ŭ internecie z adkaznaściu ad dziesiaci da dvuchsot bazavych vieličyń. Jana, praŭda, nie pracuje ŭ vypadku ź niekatorymi viadučymi dziaržaŭnych telekanałaŭ.
Instytut litaraturaznaŭstva nastrojeny zmahacca z maciukami i maje dla hetaha mietady
«Niekatoryja zorku złavili. Vyjści na ekran, łajučy ŭsio…». Na kaho z prapahandystaŭ namiakaŭ Łukašenka?
Azaronak nazvaŭ Mirsalimavu «raspusnaj śvińnioj». Žyhimont: Jon sublimuje
Jak Azaronak staŭ takim? Novyja fakty ź bijahrafii samaha addanaha Łukašenku prapahandysta
Kamientary