U Biełarusi jašče na paŭhoda padoŭžyli zabaronu na reekspart zaviezienych u krainu mnohich pramysłovych tavaraŭ. Jana ŭpieršyniu była ŭviedzienaja jašče ŭ 2022 hodzie. Adpaviednaja pastanova Savieta Ministraŭ apublikavanaja na Nacyjanalnym pravavym internet-partale.
U śpisie — bolš za 250 tavarnych pazicyj. Siarod ich, naprykład, abstalavańnie i materyjały dla miedycyny, elektrainstrumient i technika, adchody i łom mietałaŭ, transpartnyja srodki i kamplektujučyja da ich i inš.
Adnak u hetaj zabarony šmat vyklučeńniaŭ. Pad jaje nie padpadajuć, naprykład, tranzitnyja tavary, pradukcyja SEZ, tavary, vyrablenyja i pastaŭlenyja ŭ ramkach Sajuznaj dziaržavy, a taksama tavary, što vyvoziacca pavodle razavych licenzij, vydadzienych MARH, i pa inšych padstavach.
U apošni raz zabaronu na vyvaz pramtavaraŭ ź Biełarusi padaŭžali ŭ vieraśni 2024 hoda.
Kamientary