Maryna Hiryn, jakaja ŭsio ž trapiła da prezidenta Polščy, aburyłasia, što jamu padaryli lalku z anučy
Sustaršynia Asacyjacyi biełaruskaha biznesu za miažoj i eks-supracoŭnica Ministerstva pa padatkach i zborach Biełarusi apublikavała ŭ fejsbuku piać zdymkaŭ z Karalem Naŭrockim.
Pa słovach Maryny Hiryn, jana prysutničała na padobnaj sustrečy ŭžo čaćviorty raz i joj nie padałosia, što kolkaść jaje ŭdzielnikaŭ sioleta była mienšaja za papiarednija hady. Moža być, u hetym hodzie ludziej było navat i bolš.
U toj ža čas sioleta było dakładna bolš pradstaŭnikoŭ miedyja, asabliva z telekanała «Biełsat».
Kala čverci ci traciny ŭdzielnikaŭ, jak śćviardžaje Hiryn, składali pradstaŭniki palityčnych struktur demakratyčnych sił — Ofisa Śviatłany Cichanoŭskaj, Abjadnanaha pierachodnaha kabinieta, Kaardynacyjnaj rady i Narodnaha antykryzisnaha abjadnańnia. Pry hetym jana admysłova adznačaje, što Pavieł Łatuška, jak i letaś, prysutničaŭ na mierapryjemstvie razam sa svajoj dačkoj Janaj.
Pry hetym «na sustrečy prysutničała peŭnaja kolkaść udzielnikaŭ, jakija pryjechali ŭ Polšču ź inšych krain i faktyčna nie źjaŭlajucca častkaj biełaruskaj dyjaspary ŭ Polščy, a naležać da pradstaŭnikoŭ palityčnych struktur».
U toj ža čas vialikaj kolkaści byłych palitviaźniaŭ Hiryn na pryjomie nie zaŭvažyła. «Havorka išła pra niekalki viadomych publičnych asobaŭ, ale mahčyma, prysutničali ludzi, jakich ja asabista nie viedaju», — adznačaje jana.
Nie mienš za pałovu svajho dopisu Maryna Hiryn pryśviaciła krytycy padarunka, jaki byŭ padčas mierapryjemstva ŭručany Karalu Naŭrockamu ad imia biełaruskaj dyjaspary ŭ Polščy.
«Heta byŭ tvorčy kaladny numar z nastupnym uručeńniem Prezidentu Polščy maleńkaj lalki z anučy z prybliznymi słovami, što takaja tradycyja isnuje ŭ nas i što lalku darujuć jak abiareh ad usiaho drennaha.
Asabista ŭ mianie taki padarunak, jak «lalka», vyklikaŭ unutrany dyskamfort. U katalickim kantekście Polščy, u prysutnaści śviatara, jaki stajaŭ pobač z Prezidentam i aficyjna prysutničaŭ na mierapryjemstvie ad polskaha boku, padarunak z akcentam na jazyčnickuju simvoliku i prypisanuju pradmietu «achoŭnuju siłu» vyhladaje niedarečna.
Kulturnaje kaladavańnie jak falkłor — heta adno. Adnak uručeńnie lalki-abiareha z mahičnym sensam vychodzić za miežy niejtralnaha kulturnaha žesta i ŭstupaje ŭ supiarečnaść z katalickim śvietapohladam, u jakim abarona i błahasłaŭleńnie pachodziać nie ad pradmietaŭ, a ad Boha.
Ja liču važnym być aściarožnymi ź simvałami, asabliva ŭ aficyjnym i mižkulturnym kantekście. Mienavita pavaha da prymajučaha boku, da jaho tradycyj i relihijnaha fonu źjaŭlajecca asnovaj davieru i ŭzajemarazumieńnia, taho samaha davieru, pra jaki my tak šmat havorym», — piša Hiryn.
Cichanoŭskaja padaryła Naŭrockamu niekalki knih na biełaruskaj movie. Jakija?
Chto ź biełarusaŭ trapiŭ na pryjom da prezidenta Polščy ŠMAT FOTA
Viačorka patłumačyŭ, jak składajucca śpisy haściej na pryjom da prezidenta Polščy
Krynicy: Usava i Kraŭcova vykraślili polskija słužby. Ź Dzikavickim inšaja situacyja
Dziejačy emihracyi pasvarylisia z nahody śpisaŭ zaprošanych na pryjom da prezidenta Polščy
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary