«1418 dzion hańbišča rasiejskaj armii». Praciahłaść vajny Rasii suprać Ukrainy zraŭniałasia ź Vialikaj Ajčynnaj vajnoj
Na fonie dehradacyi ŭsich śfier — ad vajennaj da navukovaj — avantura Kramla pieratvaryłasia ŭ zaciažnoje padzieńnie Rasiei ŭ biezdań, piša deputat Viarchoŭnaha Savieta i žurnalist Siarhiej Navumčyk.
Ludzi majho pakaleńnia viedajuć hetuju ličbu nie z padručnikaŭ historyi (tam jaje, kali nie pamylajusia, nie było), a ź pieršych fraz «Małaj ziamli» Brežnieva. Ja i ciapier mahu pracytavać pa pamiaci: «Dnievnikov na vojnie ja nie vioł. No 1418 dniej i nočiej — nie zabyty».
Siońnia praciahłaść taho, što Kreml nazyvaje «śpiecialnoj vojennoj opieracijej», zraŭniałasia z tym, što ŭ pucinskich i łukašenkaŭskich padručnikach zaviecca Vialikaj Ajčynnaj vajnoj.
1418 dzion padzieńnia ŭ biezdań Rasiei i, prama skažam, hańbišča rasiejskaj armii, jaje, jak farmuluje vajskovy statut, «komandirov i načalnikov». I najpierš — samaha hałoŭnaha, kramloŭskaha načalnika.
Paraŭnajcie «pośpiechi» pucinskaj armii z tym, kolki prajšła ŭ 1941‑45 Čyrvonaja armija.
Kumir ciapierašniaha kramloŭskaha kiraŭnictva (dy i bolšaj častki rasiejskaha naroda) tavaryš Stalin za takija «pośpiechi» sarvaŭ by pahony z kamandujučych frantami i armijami, a ich samich pieratvaryŭ by ŭ «łahiernuju pyl».
Pieramohi Maskvy nie budzie. Dehradujučy va ŭsich śfierach — ad vajennaj da navukovaj — rasiejski impierski prajekt pavolna, ale niaŭchilna nabližajecca da svajho finału.
Ciapier čytajuć
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ4
Kamientary