Vypusknik uładkavaŭsia na pracu z zaniataściu adna hadzina na dzień z abiedam. Čym skončyłasia?
Vypusknik adnaho sa staličnych VNU vučyŭsia na biudžetnaj formie i paśla zakančeńnia navučańnia pavinien byŭ adpracavać pa raźmierkavańni.
Jaho nakiravali ŭ adnu ź minskich arhanizacyj, jakaja, jak vyśvietliłasia, dapamahała maładym śpiecyjalistam uchilacca ad raźmierkavańnia. Farmalna chłopca aformili na pasadu inžyniera-sistematechnika, piša Onliner.by.
Padčas sudovaha razhladu paćvierdziłasia, što da pracy jon nie prystupaŭ. Pry hetym u kantrakcie było prapisana, što jaho rabočy dzień składaje adnu hadzinu z abiedam praciahłaściu 12 chvilin.
U dačynieńni da kiraŭnika kampanii ŭžo vynieśli abvinavaŭčy prysud: sud pryznaŭ jaho vinavatym u sadziejničańni fiktyŭnamu pracaŭładkavańniu vypusknika.
Pravierka pakazała, što arhanizacyja nie viała nijakaj realnaj dziejnaści. Maładych śpiecyjalistaŭ afarmlali fiktyŭna: jany nie pracavali, zarobak nie atrymlivali, zatoje pavinny byli pieraličvać hrošy kiraŭniku firmy — dla pakryćcia vydatkaŭ na ich «pracaŭładkavańnie».
Sud całkam zadavoliŭ pazoŭ prakuratury: pracoŭny dahavor pryznali niesapraŭdnym. Rašeńnie pakul nie ŭstupiła ŭ zakonnuju siłu i moža być abskardžanaje.
-
Cichanoŭskaja vykazała spačuvańni z nahody śmierci Iryny Bykavaj
-
Na kałhotkach ad Mark Formelle paśla myćcia imbirnyja pierniki pieratvarylisia ŭ puchnatych vusieniaŭ. Mnohim navat spadabałasia
-
MUS abviarhaje, što indyjskaja žančyna trapiła ŭ Biełarusi ŭ pracoŭnaje rabstva, i vykłała ŭłasnuju viersiju jaje historyi
Kamientary
Ad raźmierkavańnia škoda adna - daje mahčymaść nie padymać zarobki časovym rabam i nie davać im narmalnaje žytło, bo potym novych pryšluć.