Na Zachodnim bierazie raki Iardan źbili i zatrymali ŭładalnika «Oskara»
Paleścinski režysior Chamdan Bałał, jaki sioleta atrymaŭ premiju «Oskar» za dakumientalny film «Inšaj ziamli niama» (No Other Land), akazaŭsia ŭ centry kanfliktu ŭ vioscy Susija na akupavanym Izrailem Zachodnim bierazie raki Iardan, piša Bi-bi-si.
Jak paviedamlajuć pravaabaroncy i śviedki padziej, spačatku na Bałała napali izrailskija pasialency, a potym jaho zatrymali vajskoŭcy CACHAŁ. Dziasiatki pasialencaŭ atakvali viosku Susija, dzie žyvie režysior: u miascovych žycharoŭ, aŭtamabili i damy kidali kamiani. Pa słovach palicyi, paleścincy adkazvali tym samym.
Kala 18:00 kala dziasiatka maskiravanych pasialencaŭ atačyli dom Bałała. Paźniej CACHAŁ paviedamiŭ, što «biesparadki pačalisia paśla taho, jak niekalki terarystaŭ kidali kamiani ŭ izrailskich hramadzian i ich transpart». Zatrymali troch paleścincaŭ i adnaho izrailcianina — imia Bałała ŭ zajavie nie fihuravała.
«Zatrymanych dastavili dla dalejšaha dopytu ŭ palicyju Izraila. Adzin izrailski hramadzianin atrymaŭ ranieńnie i byŭ evakujavany dla miedycynskaj dapamohi», — zajavili vajennyja.
Izrailski režysior Juval Abraham, jaki razam z Bałałam atrymaŭ «Oskar» za No Other Land, śćviardžaje, što Chamdana źbili sałdaty, i jaho pavieźli na mašynie chutkaj dapamohi. U CACHAŁ heta admaŭlajuć. Abraham taksama adznačyŭ, što ŭ vyniku napadu paciarpieli ludzi i paškodžany žyłyja damy.
U filmie «Inšaj ziamli niama», jaki atrymaŭ premiju jak najlepšy dakumientalny poŭnamietražny film na 97-j cyrymonii ŭručeńnia premii «Oskar», raspaviadajecca ab baraćbie za Masafier-Jatu — hramadu, jakaja składajecca z 20 viosak, na poŭdni Zachodniaha bieraha.
«My viarnulisia z cyrymonii ŭručeńnia «Oskara», i z tych časoŭ kožny dzień na nas ździajśniajucca napady, — skazaŭ jašče adzin surežysior filma «Inšaj ziamli niama» Bazel Adra ahienctvu AP. — Mahčyma, jany pomściać nam za toje, što my źniali hety film. Heta padobna na pakarańnie»
«My viarnulisia z cyrymonii «Oskara», i z tych časoŭ nas napadajuć štodzień, — skazaŭ adzin z su-režysioraŭ filma Bazel Adra ahienctvu AP. — Mahčyma, heta pomsta za toje, što my źniali hety film. Heta vyhladaje jak pakarańnie».
Kamientary
Admaŭlać isnavańnie Izraila u Palaścinie da " prychoda Miśsi" dazvalajećcie ni tolki hałachičieskim relihioznym na padstavie Tory Tałmuda...)))