Razarvaŭ na sabie adzieńnie, a potym prapanavaŭ abmianiacca telefonami — vypadak u Minsku
U milicyju pastupiła zajava ad 27-hadovaj dziaŭčyny, jakaja raskazała pra kradziež jaje mabilnaha telefona i bankaŭskaj kartki.
Jana raskazała, što paznajomiłasia ŭ kramie z mužčynam, i dla praciahu znajomstva jany nakiravalisia da jaje dadomu, paviedamlaje Dziaržkamitet sudovych ekśpiertyz.
Padčas razmovy mužčyna raptam pačaŭ pavodzić siabie nieadekvatna — parvaŭ na sabie adzieńnie, a paśla, byccam ničoha nie adbyłosia, prapanavaŭ abmianiacca numarami telefonaŭ.
U momant, kali haspadynia vyjšła ŭ susiedni pakoj, hość zabraŭ jaje telefon i bankaŭskuju kartku, što lažali na stale, i pakinuŭ kvateru. Pačakaŭšy niekatory čas i pierakanaŭšysia, što mužčyna nie vierniecca, dziaŭčyna patelefanavała ŭ milicyju.
Padčas ahladu miesca zdareńnia śpiecyjalist Dziaržaŭnaha kamiteta sudovych ekśpiertyz vyjaviŭ ślady ruk na pavierchniach pradmiet na stale. Jany supali z danymi 57-hadovaha mužčyny, jaho zatrymali.
Muž Siamaški byŭ nie adzinym, chto atrymaŭ pašpart prykryćcia 13 lutaha 2018 hoda39
Kamientary