Sakavik, pieršy miesiac viasny, padnios niamała niečakanaściaŭ. Tempieratura pavietra była vyšejšaj za normu, a apadkaŭ vypała značna mienš, čym zvyčajna. I, kali mierkavać pa papiarednich prahnozach, krasavik praciahnie hetuju tendencyju. Prahnoz daŭ sinoptyk Dźmitryj Rabaŭ.
Zhodna z prahnozami suśvietnych mietearałahičnych słužbaŭ, u krasaviku čakajecca pieravyšeńnie siarednich šmathadovych značeńniaŭ tempieratury na 2°C. Heta śviedčyć ab tym, što krasavik budzie pieravažna ciopłym.
Adnak doŭhaterminovyja prahnozy pakazvajuć na mahčymaść raptoŭnych arktyčnych uvarvańniaŭ. Heta całkam zvyčajnaja źjava dla viasny.
Krasavik — samy dynamičny miesiac u hodzie. U paraŭnańni z sakavikom, siaredniesutačnaja tempieratura padvyšajecca adrazu na 8°C. Značna pavialičvajecca kolkaść soniečnaha śviatła, jakoje dasiahaje pavierchni ziamli. A kolkaść pachmurnych dzion pamianšajecca ŭtraja.
A jak nakont apadkaŭ? Ich miesiačnaja kolkaść, vierahodna, budzie krychu bolš, čym zvyčajna, heta značyć u siarednim čakajecca ad 11 da 16 daždžlivych dzion.
Apadki buduć vypadać pieravažna ŭ vyhladzie daždžu, ale kali z poŭnačy pryjdzie chaładniejšaje pavietra, to mahčymy mokry śnieh i słabyja hałalodnyja źjavy.
Taksama varta čakać niespryjalnych i niebiaśpiečnych umoŭ nadvorja, takich jak tuman, navalnica i mocny viecier.
Ciapier čytajuć
Za «ekstremisckija» padpiski pry praviercy na miažy bolš nie sadžajuć na sutki12
Za «ekstremisckija» padpiski pry praviercy na miažy bolš nie sadžajuć na sutki
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary