Były dypłamat i były deputat Savinych ulapaŭsia ŭ partyju Hajdukieviča
Andrej Savinych cicha i nieprykmietna staŭ namieśnikam Aleha Hajdukieviča. Pasada niaŭdziačnaja: dvoje jaho papiarednikaŭ apynulisia za kratami.
Były dypłamat i deputat Andrej Savinych niezaŭvažna znajšoŭ sabie novuju pracu. Eks-pasoł Biełarusi ŭ Turcyi pryjšoŭ u jakaści ekśpierta na prapahandysckaje tok-šou na STV. Tam Savinych pradstavili jak namieśnika staršyni Libieralna-demakratyčnaj partyi, to bok namieśnika Aleha Hajdukieviča.
Pasadu Savinych atrymaŭ cicha i nieprykmietna. U sacsietkach ŁDP da 2024 hoda jon čas ad času źjaŭlaŭsia jašče jak biespartyjny deputat. A ŭžo na pačatku 2025 hoda jaho raptam pačali pradstaŭlać jak člena centralnaha kamiteta partyi. Pry hetym pra pryznačeńnie Savinych na druhuju pa značnaści pasadu ŭ ŁDP čamuści asobna nie paviedamili.
Mahčyma, sam Savinych baicca suročyć, bo praca heta zusim nie ŭdziačnaja. Bližejšyja paplečniki Hajdukieviča i bačnyja funkcyjaniery ŁDP rehularna traplali ŭ turmu. Tak było, naprykład, z namieśnikam jašče Siarhieja Hajdukieviča — Uładzimiram Karunasam: u 2009 hodzie deputat Minharsavieta atrymaŭ piać hadoŭ kałonii z kanfiskacyjaj za karupcyju i machlarstva.
Stolki ž u 2019 hodzie atrymaŭ inšy namieśnik staršyni ŁDP Siarhiej Jarmykin — jaho asudzili za machlarstva ŭ asabliva bujnym pamiery. A ŭ 2021 hodzie pa tych ža artykułach ab karupcyi i machlarstvie sudzili blizkaha paplečnika małodšaha Hajdukieviča — Alaksandra Kosača. Vynik — 8,5 hoda kałonii.
Savinych zrabiŭ karjeru ŭ MZS: jon daros ad treciaha sakratara da pres-sakratara, paśla byli pryznačeńni ŭ pasolstva ŭ Niderłandach i pradstaŭnictva ŭ Ženievie, a taksama pasada pasła ŭ Turcyi i Iraku. Čatyry hady Savinych pracavaŭ deputatam Pałaty pradstaŭnikoŭ: tam jon uznačalvaŭ kamisiju pa mižnarodnych spravach i ŭ hetym statusie traplaŭ u niajomkija situacyi na siesijach ABSIE, raptoŭna sustrakajučysia z pradstaŭnikami biełaruskich demsiłaŭ. Ale na novy termin u parłamient Savinych nie pierapryznačyli.
Ciapier jon u asnoŭnym vystupaje ŭ roli ekśpierta na dziaržaŭnym telebačańni, dzie z zadavalnieńniem krytykuje Zachad, nie hledziačy na toje, što jaho dačka žyvie i pracuje ŭ Łondanie.
Jak 2020 hod pałamaŭ žyćcio Aleha Hajdukieviča. Ni siamji, ni palityčnych pierśpiektyŭ, i tolki toj u ruce
Paplečnika Hajdukieviča sudziać za miljon dalaraŭ. Jon kazaŭ, što nie razumieje, čamu ŁDP nazyvajuć partyjaj zładziejaŭ
Dačka deputata Savinych robić karjeru ŭ Łondanie, u toj čas jak jaje baćka vinavacić Zachad va ŭsich biedach
Jak Franak Viačorka sprabavaŭ pahutaryć z Andrejem Savinych u Vienie, ale ničoha nie vyjšła
Deputata Savinych u Vienie sustreli vokličam «Žyvie Biełaruś»
«Prosta isteryčna». Deputat Savinych nie moža adyści ad pryjomu ŭ Vienie
U ABSIE rasijan i biełarusaŭ-łukašenkaŭcaŭ pasadzili na zadvorkach, pa-za ałfavitam
Što viadoma pra viciebčuka, jakoha vinavaciać u sprobie padryvu samalota ŭ Hiermanii12
Kamientary