«Ja nie žartuju. Šmat chto choča, kab ja heta zrabiŭ». Tramp nie vyklučyŭ, što pojdzie na treci termin
Prezident ZŠA zajaviŭ, što nie žartavaŭ, kali kazaŭ, što moža pajści na treci termin nasupierak Kanstytucyi. Tramp kaža, što mietady jość.
Prezident ZŠA Donald Tramp nie vyklučyŭ mahčymaści bałatavacca na treci termin, choć heta zabaraniajecca Kanstytucyjaj.
Tramp adznačyŭ, što jość mietady, kab pajści na novy termin, piša NBC.
«Ja nie žartuju. Šmat chto choča, kab ja heta zrabiŭ. Ale ja zvyčajna im kažu: nam jašče doŭhi šlach, viedajecie, heta vielmi rańniaja stadyja administracyi. Ja skancentravany na biahučych spravach.Zanadta rana, kab dumać pra heta», — adznačyŭ amierykanski prezident.
Na pytańnie, ci choča jon jašče adzin termin, Tramp adkazaŭ: «Mnie padabajecca pracavać». Jon dadaŭ, što jość mietady, jakija dazvolać jamu pajści na treci termin.
Žurnalisty spytali pra scenar, pavodle jakoha vice-prezident Džej-Dzi Vans bałatujecca na prezidenta, a paśla pieradaje paŭnamoctvy Trampu.
«Heta adzin z varyjantaŭ. Ale jość i inšyja», — skazaŭ prezident ZŠA, ale admoviŭsia ŭdakładniać.
Uniasieńnie źmien u Kanstytucyju dla skasavańnia abmiežavańnia ŭ dva prezidenckija terminy — nadzvyčaj składany praces. Heta patrabuje abo dvuch treciaŭ hałasoŭ u abiedźviuch pałatach Kanhresa, abo inicyjavańnia kanstytucyjnaha kanvientu dvuma tracinami štataŭ. U lubym vypadku patrebna ratyfikacyja tryma čverciami štataŭ.
Čaho čakaje Polšča ad Minska i ci zakryje znoŭ miažu na hetym tydni?26
Kamientary