Pieršaja sproba vadałazaŭ dabracca da patanułaj mašyny ŭ Padbrodździ akazałasia niaŭdałaj
Na palihonie ŭ Padbrodździ praciahvajecca apieracyja pa vymańni z bałota amierykanskaj vajskovaj mašyny, jakaja tam zatanuła. U niadzielu ranicaj u intervju LRT ministr nacyjanalnaj abarony Litvy Davile Šakalenie skazała, što pracy praciahvalisia ŭsiu noč, ale pryroda pastupiła, pavodle jaje słoŭ, «vielmi žorstka».
«Kiraŭnik apieracyi tolki što paviedamiŭ mnie, što na toje miesca, dzie znachodzicca broniemašyna, upaŭ vialiki kavałak hleby. Paśla adpampoŭki bolšaj častki brudu, ahulny ŭzrovień źniziŭsia. Spadziajusia, što zastałosia niašmat i vadałazy zmohuć dabracca da hetaha miesca», — skazała ministr.
Pavodle jaje słoŭ, pakul nie ŭdajecca vyznačyć dakładnaje stanovišča broniemašyny. «Ad hetaha šmat u čym budzie zaležać, jak nam udasca ŭčapić broniemašynu i vyciahnuć jaje na pavierchniu», — padkreśliła Šakalenie.
Ministr dadała, što z dapamohaj amierykanskich vadałazaŭ robiacca sproby vyśvietlić, ci jość vakoł broniemašyny cieły sałdat. «Heta adno z samych pryjarytetnych pytańniaŭ», — skazała jana.
U subotu pozna ŭviečary vadałazy vajenna-marskich sił ZŠA ździejśnili pieršaje apuskańnie, ale nie zmahli dabracca da patanułaj broniemašyny. Ab hetym paviedamlajecca ŭ Facebook-akaŭncie Uzbrojenych sił ZŠA ŭ Jeŭropie i Afrycy.
«Miarkujecca, što jana [mašyna] znachodzicca prykładna na 4-mietrovaj hłybini i pakryta 2-mietrovym płastom brudu. Adpampoŭvańnie vady i vydaleńnie hleju praciahniecca nočču, a vadałaznyja apieracyi adnoviacca zaŭtra ranicaj», — paviedalałasia ŭ paście.
Vajskovaja mašyna z čatyrma amierykancami prapała padčas vučeńniaŭ na litoŭska-biełaruskaj miažy viečaram 25 sakavika. Mašyna, jak miarkujecca, pravaliłasia na dno bałota.
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ31
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary
Tak Jany buduć kačać biaskonca!
Tam treba nasypať dambu vakoł patanułaj mašiny , a potym pačynać kačać ił i vadu!
Nakont sučasnaj situacyi ŭ mianie niama adnaznačnaha adkazu. Kali byŭ, skazaŭ by. A tak skazaŭ pra składanuju maralnuju prablemu (jakaja moža paŭstać, kali prablemy z tym bałotam buduć zaciahvacca).