Navukoŭcy prydumali supraćzačatkavyja tabletki dla mužčyn. Jany realna dziejničajuć
Pieršaja harmonaniezaležnaja supraćzačatkavaja tabletka dla mužčyn dazvalaje nadziejna praduchilać ciažarnaść u partniorki i adnaŭlać fiertylnaść paśla spynieńnia pryjomu. Jana moža stać sapraŭdnym praryvam u śviecie mužčynskaj kantracepcyi.
Jak paviedamlaje Interesting Engineering, daśledčyki z Farmaceŭtyčnaha kaledža Univiersiteta Miniesoty ŭ supracoŭnictvie z Kałumbijskim univiersitetam i bijatechnałahičnaj kampanijaj YourChoice Therapeutics raspracavali biezharmanalny aralny kantraceptyŭ dla mužčyn, jaki pakul što maje nazvu YCT-529.
U adroźnieńnie ad tradycyjnych supraćzačatkavych srodkaŭ, zasnavanych na harmanalnych źmienach, YCT-529 padaŭlaje vypracoŭku śpiermy, nie zakranajučy harmanalny bałans arhanizma.
U dakliničnych daśledavańniach na samcach myšej preparat praduchilaŭ začaćcie ŭ 99% vypadkaŭ usiaho za čatyry tydni prymianieńnia. U samcoŭ małpaŭ užo praz dva tydni nazirałasia istotnaje źnižeńnie kolkaści śpiermatazoidaŭ.
Efiekt byŭ całkam zvarotny: u myšej fiertylnaść adnaŭlałasia praz šeść tydniaŭ paśla spynieńnia pryjomu, u małpaŭ — praz 10—15 tydniaŭ. Pabočnych efiektaŭ u abiedźviuch hrupach vyjaŭlena nie było.
Aŭtary raspracoŭki padkreślivajuć: biaśpiečnaja i efiektyŭnaja supraćzačatkavaja tabletka dla mužčyn daść param bolš mahčymaściaŭ u vybary kantracepcyi, dazvolić bolš spraviadliva dzialić adkaznaść za płanavańnie siamji i zabiaśpiečyć mužčynam repraduktyŭnuju samastojnaść.
Niahledziačy na toje, što tolki ŭ ZŠA zaćvierdžana bolš za 20 žanočych kantraceptyŭnych srodkaŭ, mužčynam dahetul dastupnyja tolki dva asnoŭnyja varyjanty — preziervatyvy abo vazektamija.
Źjaŭleńnie nieharmanalnaj tabletki moža istotna źmianić situacyju: jana dazvolić param prymać bolš zbałansavanyja rašeńni ŭ pytańniach kantrolu naradžalnaści, źnizić nahruzku na žančyn i stanie vyratavańniem dla tych, kamu harmanalnyja srodki supraćpakazanyja pa miedycynskich pryčynach.
Takim čynam, YCT-529 moža stać tym praryvam, jaki zrobić kantracepcyju bolš roŭnaj i dastupnaj dla ŭsich. Daśledčyki taksama spadziajucca, što jon dapamoža źnizić uzrovień niezapłanavanych ciažarnaściaŭ, jaki va ŭsim śviecie dasiahaje amal 50%.
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary